29-30 აპრილს, შავი ზღვის საერთაშორისო უნივერსიტეტში გაიმართება ინფორმატიკაში საქართველოს მოსწავლეთა ეროვნული ოლიმპიადის დასკვნითი ტური.
ტური გაიმართება სამ ასაკობრივ კატეგორიაში: 7-8 კლასები, 9-10 კლასები და 11-12 კლასები. მასში მონაწილეობას მიიღებს რეგიონულ ტურზე ნაჩვენები შედეგების მიხედვით დასკვნით ტურზე დაშვებული 62 უძლიერესი მოსწავლე.
ინფორმატიკის ეროვნულ ოლიმპიადას საქართველოს განათლებისა და მეცნიერების სამინისტროს დაკვეთით ატარებს საინფორმაციო ტექნოლოგიების სწავლების და ინფორმატიკის ოლიმპიადების მხარდამჭერი ასოციაცია, IBSU-ს ბაზაზე.
