IBSU იწყებს ნივთების შეგროვებას თურქეთში სტიქიით დაზარალებულებისთვის

IBSU უერთდება საქველმოქმედო აქციას და თურქეთში სტიქიით დაზარალებულებისთვის საჭირო ნივთების შეგროვებას იწყებს.

საქველმოქმედო აქციაში მონაწილეობა შეუძლია ნებისმიერ პირს, მათ შორის IBSU-ს აკადემიურ და ადმინისტრაციულ პერსონალს, სტუდენტებსა და კურსდამთავრებულებს.

მსურველებმა ნივთები უნდა დატოვონ IBSU-ს A კორპუსში, 108-ე ოთახში, 11 თებერვლიდან 20 თებერვლის ჩათვლით, დღის ნებისმიერ მონაკვეთში.

საჭირო ნივთების ჩამონათვალი:

• ქურთუკი – პალტო
• საწვიმარი
• ჯემპრი
• ხელთათმანი
• შარფი – კაშნე
• ბერეტი
• წინდა
• საბანი
• საძილე ტომარა
• საკვები ამანათი (მშრალი და დაკონსერვებული საკვები)
• ბავშვთა კვება
• ბავშვის საფენები
• დასუფთავებისა და ჰიგიენის საშუალებები
• ქალის ჰიგიენური პაკეტები.

შეგროვილი ნივთები გადაეცემა საქართველოში თურქეთის საელჩოს.