Image Alt

სამაგისტრო უმაღლესი განათლების ადმინისტრირება

სოციალურ, ჰუმანიტარულ მეცნიერებათა და განათლების ფაკულტეტი

სამაგისტრო უმაღლესი განათლების ადმინისტრირება

საგანმანათლებლო პროგრამის მიზანი:

  1. მისცეს სტუდენტს ღრმა ცოდნა უმაღლესი განათლებისა და მისი ადმინისტრირების დარგში და განათლების ადმინისტრირების მაგისტრის სათანადო კვალიფიკაცია, რათა ისინი გახდნენ ნამდვილი ლიდერები ამ სფეროში და თანამდროვე მოთხოვნების შესაბამისი განათლების ადმინისტრატორები/მენეჯერები.
  2. მოამზადოს განათლების ადმინისტრატორი როგორც ზოგადპედაგოგიურ და ფსიქოლოგიურ ასპექტებში, ისე განათლების ადმინისტრირების/მენეჯმენტის კერძო საკითხებში, ისეთებში, როგოროცაა ლიდერობა განათლებაში და სხვადასხვა ქვეყნების გამოცდილება განათლების სისტემის მართვაში.
  3. კურსდამთავრებულებმა შეძლონ თავისუფლად გამოიყენონ ინგლისური ენა პროფესიული კომუნიკაციისას (როგორც უცხოეთში, ისე საკუთარ ქვეყანაში უცხოელ კოლეგებთან ურთიერთობისას). ასევე, შეძლონ, იმუშაონ საგანმანათლებლო დაწესებულების ადმინისტრაციაში და განათლების მართვისა და ორგანიზების სისტემის სხვადასხვა დაწესებულებებში.
  4. სტუდენტებს ჩამოუყალიბდეს არამარტო სათანადო ცოდნა, არამედ საკუთარი ცოდნის გაღრმავების მიზნით სწავლის შემდგომ საფეხურზე (დოქტორანტურაში) და დამოუკიდებლად გაგრძელების უნარი. ამისთვის საჭიროა გარკვეული მოცულობის თეორიული (პედაგოგიური, ფსიქოლოგიური, ადმინისტრირებისა და მენეჯმენტის სფეროში) მომზადება, რომელიც უზრუნველყოფილია მთელ რიგ სასწავლო კურსებში, ასევე სწავლის პერიოდში სტუდენტებმა უნდა შეასრულონ დიდი ოდენობის დამოუკიდებელი სამუშაო (პროექტები, პრეზენტაციები, საკურსო ნაშრომები).
  5. ღირებულებათა შორის, რომლებიც ჩამოუყალიბდებათ კურსდამთავრებულებს, იყოს განათლების ადმინისტრირების სფეროს კვლევისა და პრაქტიკული მუშაობის მიმართ ღრმა ინტერესი, ჰუმანისტური და სტუდენტზე ორიენტირებული პედაგოგიკის პრინციპებისადმი პატივისცემა.

სწავლის შედეგი:

 ცოდნა და გაცნობიერება:

სფეროს ღრმა და სისტემური ცოდნა, რომელიც აძლევს ახალი, ორიგინალური იდეების შემუშავების საშუალებას, აცნობიერებს ცალკეული პრობლემის გადაჭრის გზებს. პროგრამის დასრულებისას სტუდენტს ექნება:

ა) ევროპულ უმაღლეს განათლებასთან დაკავშირებული ტერმინოლოგიისა და თეორიების ღრმა და სისტემური ცოდნა განათლების მეცნიერებებში, ადმინისტრირებასა და მომიჯნავე დარგებში;

ბ) დარგის ისტორიის, განათლების მენეჯმენტის სისტემისა და  რეფორმების ღრმა ცოდნა, საზოგადოებაში უნივერსიტეტის როლის, პასუხისმგემბლობისა და წვლილის გათვითცნობიერება;

გ) „კლასიკური“ ლიტერატურის ცოდნა სტუდენტზე ორიენტირებული მიდგომის თაობაზე;

დ) განათლების ადმინისტრირების/მენეჯმენტის ევროპულ სივრცეში მიღებული პრინციპებისა და წარმატებული პრაქტიკის ღრმა და სისტემური ცოდნა, რომელიც განაპირობებს ეფექტურ ადმინისტრირებას/მენეჯმენტს  უმაღლესი განათლების სფეროში;

ე) განათლების ადმინისტრირების პროცესების ღრმა ცოდნა საერთაშორისო სტანდარტებისა და უნივერსიტეტის სტრატეგიული გეგმის მისაღწევად;

ვ) იმის ცოდნა, თუ როგორ შეუძლია სასწავლო პროცესების ბუნების ცოდნას გააუმჯობესოს სწავლების პროცესი;

ზ) იმ მნიშვნელოვანი საკითხების ცოდნა, რომელსაც ემსახურება უნივერსიტეტი – განავითაროს სტუდენტები და თანამშრომლები საზოგადოებისა და დაინტერესებული მხარის ინეტერესების გათვალისწინებით.