შეხვედრის ფარგლებში, მხარეებმა ურთიერთთანამშრომლობის გზები დასახეს; შედეგად, უახლოეს მომავალში ხელი მოეწერება მემორანდუმს, რომლის ფარგლებშიც ერთობლივი გაცვლითი პროგრამები განხორციელდება სამართლისა და სახელმწიფო მმართველობის სკოლის სტუდენტებისთვის.

სკოლის დეკანმა, ირაკლი შამათავამ ისაუბრა სკოლის სტრატეგიული განვითარების გრძელვადიან გეგმაზე. ამ პროცესში განსაკუთრებით მნიშვნელოვანია როგორც უცხოელ პარტნიორებთან მემორანდუმების გაფორმება, ისე გაცვლითი პროგრამების და “თანამედროვე სამართლის ჟურნალის” მოდიფიკაცია. შეხვედრის ბოლოს, დეკანმა დოქტორ ფაბიო ზამბარდინოს (University of Campania “Luigi Vanvitelli”) და ასოცირებულ პროფესორს, დოქტორ მარკო სეგეშიოს თანამედროვე სამართლის ჟურნალის რედკოლეგიის წევრობა შესთავაზა და სტუმრებს მადლობა გადაუხადა მხარდაჭერისა და თანამშრომლობისთვის.