კერძო სკოლა „ინტელექტის“ მოსწავლეები IBSU-ს ესტუმრნენ

კერძო სკოლა „ინტელექტის“ IV კლასის მოსწავლეები ახალგაზრდულ აკადემიასთან ერთად IBSU-ს ესტუმრნენ.

საგანმანათლებლო ვიზიტის ფარგლებში ბავშვებმა მონაწილეობა მიიღეს საინტერესო და ინტერაქტიულ ლექციაში თემაზე „ემოციები და ქცევის მართვა“, რომელშიც აქტიურად იყვნენ ჩართულნი, შეძლეს ემოციების ამოცნობა და საკუთარ გამოცდილებაზე გულახდილად საუბარი.

შეხვედრის შემდეგ მოსწავლეებმა დაათვალიერეს IBSU-ს კამპუსი – მოინახულეს ჩვენი მედიაცენტრი, გეიმრუმი, სტუდენტური სივრცეები და IBSU-ს საყვარელ ციყვთან ერთად ითამაშეს ფეხბურთი!