IBSU-მ დიპლომირებული მედიკოსის პროგრამის ბრენდ ელჩს უმასპინძლა ინდოეთიდან

შავი ზღვის საერთაშორისო უნივერსიტეტმა IBSU-ს დიპლომირებული მედიკოსის პროგრამის ბრენდ ელჩს სოებ აფთაბის უმასპინძლა ინდოეთიდან. მისი ვიზიტი მიზნად ისახავდა მედიცინის სკოლის დიპლომირებული მედიკოსის პროგრამის პოპულარიზაციას იმ ინდოელ სტუდენტებს შორის, რომლებმაც წარმატებით ჩააბარეს ინდოეთის ეროვნული საკვალიფიკაციო გამოცდა მედიცინაში – NEET 2025.

ვიზიტის ფარგლებში სოებ აფთაბი და მისი გუნდის წევრები შეხვდნენ IBSU-ს საერთაშორისო ურთიერთობების დეპარტამენტისა და მედიცინის სკოლის წარმომადგენლებს. დელეგაციამ ასევე მოინახულა IBSU-ს მედიცინის სკოლის პარტნიორი კლინიკები, დიპლომირებული მედიკოსის პროგრამის სტუდენტებისთვის განკუთვნილი აკადემიური და კლინიკური ინფრასტრუქტურის გასაცნობად.

აღნიშნული ვიზიტი მნიშვნელოვანია IBSU-ს პროგრამების პოპულარიცაზიისათვის ინდოელ აბიტურიენტებში და საერთაშორისო სამედიცინო განათლების სფეროში თანამშრომლობის გაღრმავებისათვის.

სოებ აფთაბი, ერთადერთი სტუდენტია, რომელმაც ინდოეთის ერთ-ერთ ყველაზე კონკურენტულ გამოცდაზე –NEET უმაღლესი ქულა 720/720 დააგროვა და ამით ისტორიაში შევიდა. იგი დიდი პოპულარობით სარგებლობს NEET-ის აბიტურიენტებს შორის მთელ ინდოეთში და მნიშვნელოვანი როლი აქვს მომავალ ექიმთა მოტივაციასა და განვითარებაში.