შავი ზღვის საერთაშორისო უნივერსიტეტის აკადემიური და მოწვეული პერსონალისთვის გაიმართა ტრენინგი ინოვაციურ სწავლება/სწავლის მეთოდებზე, მის პრაქტიკაში დანერგვასა და სილაბუსის შედგენის ტექნიკებზე, რომელსაც უძღვებოდნენ ეკატერინე ფიფია, განათლების მეცნიერებების ინგლისურენოვანი სადოქტორო და განათლების ადმინისტრირების სამაგისტრო პროგრამების ხელმძღვანელი და ანა გვრიტიშვილი, ხარისხის უზრუნველყოფის სამსახურის უფროსი. ტრენინგის მონაწილეებს საშუალება ჰქონდათ გასცნობოდნენ თანამედროვე ტექნოლოგიებს, განეხილათ შესაბამისი ქეისები და ემსჯელათ მათ პრაქტიკაში გამოყენებაზე.