შავი ზღვის საერთაშორისო უნივერსიტეტის ტექნოლოგიებისა და მეწარმეობის ცენტრის მიზანია მხარი დაუჭიროს საუნივერსიტეტო სივრცეში ინოვაციური და სამეწარმეო შესაძლებლობების განვითარებას და ორიენტირებულია სტუდენტთა და კურსდამთავრებულთა ინიციატივების მხარდაჭერასა და განვითარებაზე.

ცენტრის სერვისები სტუდენტებისთვის მოიცავს:

• სტუდენტებისა და კურსდამთავრებულების სტარტაპ და ბიზნესიდეების განვითარებასა და მხარდაჭერას;
• დაინტერესებულ მხარეებს სთავაზობს ვორკშოპებს, ტრენინგებს და სხვა ისეთ აქტივობებს, რომელიც ორიენტირებული იქნება ბიზნესსტრატეგიის, დაგეგმვის, სტარტაპიდეის განვითარებისა და დაფინანსების მოზიდვის თემატიკაზე;
• სტუდენტებისა და კურსდამთავრებულების კავშირების გაძლიერება სტარტაპ ეკოსისტემასთან;
• პარტნიორობა კერძო და სახელმწიფო ორგანიზაციებთან, რათა სტუდენტებსა და კურსდამთავრებულებს ჰქონდეთ წვდომა შესაბამის ცოდნასა და რესურსებთან;
• უნივერსიტეტის კვლევებისა და ინოვაციების კომერციალიზაციის, საჭიროების შემთხვევაში, პატენტის მოპოვების პროცესის მხარდაჭერა;
• კონკურსების, ჰაკათონებისა და კრეათონების ჩატარება, რათა წავახალისოთ სტუდენტებსა და კურსდამთავრებულებს შორის ინოვაციური აზროვნება;

IBSU – ადგილი, სადაც შენი გზა მსოფლიოს TOP1 უნივერსიტეტამდე მიდის!

შავი ზღვის საერთაშორისო უნივერსიტეტი (IBSU) და მსოფლიოს წამყვანი ტექნოლოგიური ინსტიტუტი – Massachusetts Institute of Technology (MIT) – პარტნიორები არიან. ეს თანამშრომლობა ჩვენს სტუდენტებსა და აკადემიურ პერსონალს უნიკალურ შესაძლებლობას აძლევს, ინტეგრირდნენ მსოფლიოს ყველაზე ძლიერ სამეწარმეო და ინოვაციურ ეკოსისტემაში.

მასაჩუსეტსის ტექნოლოგიის ინსტიტუტი (MIT) მსოფლიო ინოვაციების უდავო ლიდერია და მისი სამეწარმეო მოდელი აღიარებულია მსოფლიო სტანდარტად. ინსტიტუტის კურსდამთავრებულების მიერ დაარსებული 30 000-ზე მეტი აქტიური კომპანია (მათ შორის, Intel, Moderna, Dropbox, AMD) ქმნის 4.6 მილიონზე მეტ სამუშაო ადგილს, მათი ჯამური წლიური შემოსავალი კი $2 ტრილიონს აჭარბებს, რაც მსოფლიოს მე-10 უმსხვილესი ეკონომიკის ტოლფასია. ინსტიტუტის ვენჩერული ფონდი The Engine ამჟამად ორიენტირებულია “Tough Tech” მიმართულებაზე. ეს ეკოსისტემა ამტკიცებს, რომ MIT არ არის მხოლოდ სასწავლებელი, არამედ გლობალური ეკონომიკური ძრავა, რომელიც სამეცნიერო აღმოჩენებს რეალურ, მაღალტექნოლოგიურ ბიზნეს-იმპერიებად გარდაქმნის.

ინსტიტუტი სტუდენტებს სთავაზობს უნიკალურ პლატფორმებს იდეების კომერციალიზაციისთვის:

• Martin Trust Center: მეწარმეობის ცენტრი, რომელიც სტუდენტებს „დისციპლინირებული მეწარმეობის“ მეთოდოლოგიითა და AI ინსტრუმენტებით (Eship Jetpack) უზრუნველყოფს.
• StartMIT & MIT delta v: ინტენსიური აქსელერაციის პროგრამები, რომლებიც ხელს უწყობენ სტარტაპების სწრაფ ზრდას და ინვესტიციების მოზიდვას.

შავი ზღვის საერთაშორისო უნივერსიტეტი MIT-თან პარტნიორობის ფარგლებში სტუდენტებსა და აკადემიურ პერსონალს სთავაზობს უნიკალურ შესაძლებლობას ჰქონდეთ ულიმიტო წვდომა MIT-ის ციფრულ პლატფორმაზე – ORBIT, რომელიც წარმოადგენს მეწარმეობისა და სტარტაპების განვითარებისთვის ერთ-ერთ ყველაზე ინოვაციურ საგანმანათლებლო და პრაქტიკულ ინსტრუმენტს მსოფლიოში.

ORBIT არის Massachusetts Institute of Technology (MIT)-ის მიერ შექმნილი ციფრული მეწარმეობის პლატფორმა, რომელიც ორიენტირებულია ტექნოლოგიურ სტარტაპებთან დაკავშირებით ცოდნის სწრაფად მიღებაზე. იგი მიზნად ისახავს იდეის ფორმირებიდან ბაზარზე გასვლამდე პროცესის სტრუქტურირებას, რისკების დროულ იდენტიფიცირებას და სტრატეგიული ნაბიჯების დაგეგმვას.

რა შესაძლებლობებს ქმნის ORBIT პლატფორმა IBSU-ს სტუდენტებისა და ლექტორებისთვის?

პლატფორმა აერთიანებს მსოფლიო დონის ცოდნასა და ტექნოლოგიურ ინსტრუმენტებს, რომლებიც ხელმისაწვდომია ნებისმიერ ეტაპზე მყოფი სტარტაპისთვის:

• აკადემიური ბაზა: MIT-ის წამყვანი ექსპერტების მიერ მომზადებული 5 000-ზე მეტი სპეციალიზებული სტატია. რესურსები მოიცავს ისეთ უნმიშვნელოვანეს სფეროებს, როგორიცაა ბიზნეს მოდელირება, ბაზრის სიღრმისეული ანალიზი და ფინანსური სტრატეგიები.
• საგანმანათლებლო მოდულები: 200-ზე მეტი ინტერაქტიული კურსი, რომლებიც ფოკუსირებულია ტექნოლოგიურ მენეჯმენტზე, ინოვაციურ ლიდერობასა და თანამედროვე სტარტაპების მართვაზე.
• ინტეგრირებული AI ასისტენტი: პლატფორმაში ჩაშენებულია ხელოვნური ინტელექტი, რომელიც ეფუძნება ბილ ოლეტის (Bill Aulet) აღიარებულ მეთოდოლოგიას – „Disciplined Entrepreneurship“ (24 ნაბიჯი). AI ეხმარება მომხმარებლებს იდეების სწრაფ ანალიზსა და სტრუქტურირებული ბიზნეს გეგმის ჩამოყალიბებაში.
• გლობალური საკომუნიკაციო ქსელი: წვდომა MIT-ის მეწარმეობის ეკოსისტემაზე, რაც ხელმისაწვდომს ხდის ინფორმაციას საერთაშორისო ღონისძიებებზე, ვორქშოფებსა და ქსელურ შეხვედრებზე, სადაც შესაძლებელია დარგის პროფესიონალებთან დაკავშირება.

IBSU-ს მისიაა, ხელი შეუწყოს საქართველოში სამეწარმეო კულტურის განვითარებას. MIT-თან პარტნიორობა და ORBIT-ის პლატფორმის დანერგვა IBSU-ს სტუდენტებსა და აკადემიურ პერსონალს აძლევს უნიკალურ კონკურენტულ უპირატესობას – შექმნან გლობალურ ბაზარზე ორიენტირებული ბიზნესი საერთაშორისო სტანდარტების გამოყენებით.

იდეათონი ცვლილებები ციფრული განათლებისთვის – იდეათონი „ცვლილებები ციფრული განათლებისთვის“ წარმატებით გაიმართა შავი ზღვის საერთაშორისო უნივერსიტეტში, ტექნოლოგიებისა და მეწარმეობის ცენტრის ორგანიზებით. ორდღიანი ღონისძიების ფარგლებში, შერჩეულმა სტუდენტურმა გუნდებმა იმუშავეს ციფრული განათლების განვითარებაზე, შეიმუშავეს ინოვაციური იდეები და წარადგინეს ჟიურის წინაშე. მონაწილეებს მენტორობა გაუწიეს სხვადასხვა დარგის სპეციალისტებმა, რაც დაეხმარათ იდეების დახვეწასა და სამომავლო სტარტაპებად განვითარებაში. სტუდენტებმა განიხილეს განათლების სფეროში არსებული გამოწვევები და შეიმუშავეს ტექნოლოგიური გადაწყვეტილებები, რომლებიც შეიძლება ფართოდ იქნეს გამოყენებული.

UNI4VERSE –  შავი ზღვის საერთაშორისო უნივერსიტეტის ტექნოლოგიებისა და მეწარმეობის ცენტრმა წარმატებით მიიღო მონაწილეობა საუნივერსიტეტო სტარტაპ კონკურსში UNI4VERSE, რომელიც გაიმართა საქართველოს ინოვაციებისა და ტექნოლოგიების სააგენტოს ორგანიზებით. პროექტის მიზანი იყო უნივერსიტეტებისა და სტუდენტების ინოვაციებისა და ტექნოლოგიების მიმართ დაინტერესების ზრდა. შიდა კონკურსის ფარგლებში სტუდენტებმა იმუშავეს კონკრეტული საპროექტო თემის გარშემო, მოახდინეს მათი იდეების განვითარება და სწორი პოზიციონირება. მონაწილე გუნდებმა წარმოადგინეს გადაწყვეტები მწვანე ეკონომიკისა და განახლებადი რესურსების მიმართულებით. განხილული საკითხები მოიცავდა მზისა და თბური ენერგიის ეფექტიანობის გაზრდას, ნარჩენების ენერგეტიკულ გამოყენებას, ენერგიის მოხმარების მონიტორინგს, სამშენებლო ნარჩენების გადამუშავებასა და მწვანე მობილობის გაუმჯობესებას. კონკურსის მიმდინარეობისას სტუდენტებს მენტორობა გაუწიეს სხვადასხვა დარგის სპეციალისტებმა, რაც დაეხმარათ იდეების დახვეწასა და შემდგომ განვითარებაში.

სტარტაპერებთან შეხვედრები – არის ტექნოლოგიებისა და მეწარმეობის ცენტრის რეგულარული შეხვედრების ნაწილი, სადაც სტუდენტები და დამწყები მეწარმეები წარმატებულ სტარტაპერებთან ერთად პრაქტიკულ გამოცდილებას იზიარებენ. ეს შეხვედრები მუდმივი პროცესია და ჩვენ მუდმივად ვახდენთ ახალი ინსპირაციული ისტორიების, რეალური ბიზნესგამოცდილებებისა და ღირებული კონტაქტების უზრუნველყოფას. ინტერაქტიული ფორმატის წყალობით, მონაწილეებს აქვთ შესაძლებლობა დასვან კითხვები, განიხილონ თავიანთი იდეები და მიიღონ პრაქტიკული რჩევები მათთვის, ვისაც სტარტაპ ეკოსისტემაში წინსვლა სურს.

პარტნიორობა Startup Grind Georgia-სთან – არის შავი ზღვის საერთაშორისო უნივერსიტეტის ტექნოლოგიებისა და მეწარმეობის ცენტრის კიდევ ერთი მნიშვნელოვანი ნაბიჯი სტარტაპ ეკოსისტემის გაძლიერებისკენ. თანამშრომლობის ფარგლებში, სტუდენტებს და დამწყებ მეწარმეებს ეძლევათ უნიკალური შესაძლებლობა ჩაერთონ საერთაშორისო ქსელში, დაესწრონ ინსპირაციულ ღონისძიებებს, გაიცნონ წარმატებული მეწარმეები და მიიღონ პრაქტიკული ცოდნა. ეს პარტნიორობა ხელს უწყობს უნივერსიტეტის სტარტაპ კულტურის განვითარებას და სტუდენტებს რეალურ კავშირებს უქმნის ბიზნესის სამყაროსთან.

საკონტაქტო მეილი: iec@ibsu.edu.ge
საკონტაქტო ნომერი: 0322 800 064 (205)
დავით აღმაშენებლის ხეივანი, მე-13 კმ, 2, თბილისი 0159, საქართველო