ინგა ტყემალაძე ამჟამად  არის შავი ზღვის საერთაშორისო უნივერსიტეტის  აფილირებული ასოცირებული პროფესორი და  გამოცდილი ლინგვისტი და მეთოდისტი, რომელსაც აქვს ოც წელზე მეტი  სამუშაო გამოცდილება სწავლებისა და კვლევის  სფეროებში.

ინგა ტყემალაძეს სასწავლო კურსი გავლილი აქვს დიჟონის უნივერსიტეტში (საფრანგეთი) და დღემდე აქტიურად მონაწილეობს საერთაშრისო ორგანიზაციების მიერ ორგანიზებულ სასწავლო შეხვედრებში, სტაჟირებებსა თუ ტრენინგებში. მას მინიჭებული აქვს მეცნიერებათა დოქტორის ხარისხი.

მისი კარიერა გამორჩეულია საერთაშორისო და ადგილობრივ სამეცნიერო ჟურნალებში გამოქვეყნებული ნაშრომებით, ფრანგული ენის სწავლებისა და  გამოყენებითი ლინგვისტიკის, შედარებითი ტიპოლოგიის მიმართულებით. 

ინგა ტყემალაძის კვლევები დაფუძნებულია ენათა შეპირისპირებითი ანალიზის,  სოციოლინგვისტიკის, კულტურათაშორის კომუნიკაციას, თარგმანთან დაკავშირებულ პრობლემებზე და განსაკუთრებული ყურადღება ეთმობა ისეთ საკვანძო საკითხებს, რომლებიც ხელს უწყობენ ფრანგული ენის, როგორც მეორე უცხოური ენის სწავლების პროცესს.

ინგა ტყემალაძე აქტიურად მონაწილეობს საერთაშორისო კონფერენციებსა და სიმპოზიუმებში. ის არის რამდენიმე საბაკალავრო  ნაშრომის ხელმძღვანელი და  სადოქტორო დისერტაციის  რეცენზენტი.

ინგა ტყემალაძე  აქტიურად თანამშრომლობს ფრანკოფონულ ორგანიზაციებთან, თბილისის ფრანგულ ინსიტუტთან.  2019 წლიდან  არის AUF-ფრანკოფონული საუნივერსიტეტო სააგენტოს პროექტების კოორდინატორი და ამავე ორგანიზაციის ტრენერი.