დედა ენის დღისადმი მიძღვნილი ღონისძიება მრავალფეროვნებით გამოირჩეოდა. ჩატარდა თემატური გაკვეთილები, პრეზენტაციები, ასევე ფერწერული ნამუშევრების ექსპოზიცია. ღონისძიების ფორმატში დადგმული იყო სასცენო-ქორეოგრაფიული და მუსიკალური ნომრები. ირაკლი შამათავამ მცირე მოხსენება გააკეთა სახელმწიფო ენის სტატუსის შესახებ და აღნიშნა, რომ საქართველოს სახელმწიფო ენა არის ქართული, ხოლო აფხაზეთის ავტონომიურ რესპუბლიკაში − აგრეთვე აფხაზური. სიმბოლურია ის საკითხიც, რომ 32-ე საჯარო სკოლა ბაბუშერას აეროპორტში დაღუპული ვახტანგ გორგასლის II ხარისხის ორდენოსნის, ბესარიონ კივილაძის და 2008 წლის ომში დაღუპული კაპიტნის, ვახტანგ გორგასლის I ხარისხის ორდენოსნის, ალექსანდრე თანდაშვილის სახელს ატარებს.