რექტორმა შიდასაუნივერსიტეტო ტურნირის 3×3 კალათბურთში გამარჯვებულები დააჯილდოვა
20.11.2024IBSU-ს რექტორმა კახა შენგელიამ შიდასაუნივერსიტეტო ტურნირის 3×3 კალათბურთში გამარჯვებულები დააჯილდოვა.
ტურნირში 10 სტუდენტური გუნდი მონაწილეობდა და გამარჯვება წილად ხვდა „DIDUBE ENERGY“-ის ილია ცანკაშვილის, ვიქტორ ცხვარაძის, გიორგი ხუჭუასა და გიორგი გოგრიჭიანის შემადგენლობით.
ტურნირი, რომელსაც დიდი დიღმის მრავალფუნქციური საზოგადოებრივი ცენტრი მასპინძლობდა, შავი ზღვის საერთაშორისო უნივერსიტეტის კალათბურთის კლუბის ორგანიზებითა და სტუდენტთა და კურსდამთავრებულთა განვითარების დეპარტამენტის ფინანსური მხარდაჭერით გაიმართა.
