დაჯილდოების ღონისძიებას ესწრებოდა სამართლის და სახელმწიფო მმართველობის სკოლის დეკანი, აფილირებული პროფესორი ირაკლი შამათავა, რომლის განცხადებით, საჯარო გამოსვლის ხელოვნება იურისტის პროფესიაში მნიშვნელოვან ადგილს იკავებს. სწორედ ამიტომ, მსგავსი პროექტების განხორციელება და მხარდაჭერა მომავალშიც გაგრძელდება.

მონაწილეები შეეცადნენ თანამდებობის პირების, საჯარო ფიგურებისა და სამოქალაქო აქტივისტების გამოსვლების იმიტაცია გაეკეთებინათ, სამართლებრივ, პოლიტიკურ და სოციალურ საკითხებზე. კონკურსის ბოლოს, გამოვლინდნენ პირველი, მეორე და მესამე ადგილის მფლობელები, ასევე, სპეციალური სერტიფიკატები გადაეცათ საუკეთესო გამომსვლელებს.

აღსანიშნავია, რომ ჟიურიმ სხვადასხვა ნომინაციაში გამარჯვებულებიც გამოავლინა.

პირველი ადგილი – მარიამ სალთხუციშვილი, ნანა გრიგოლიშვილი;

მეორე ადგილი – მაია კობალაძე, ნატალი ბერუაშვილი;

მესამე ადგილი – სამირა კაჯარლი, ირაკლი გორგიშელი

საუკეთესო საჯარო გამომსვლელი – ქრისტინე იმერლიშვილი, გაბრიელ ვასაძე.