ტურიზმის პროგრამის სტუდენტებმა სტუდენტთა კონფერენციაში მონაწილეობა მიიღეს

შავი ზღვის საერთაშორისო უნივერსიტეტის ტურიზმის საბაკალავრო საგანმანათლებლო პროგრამის სტუდენტებმა, ლიკა ცისკარიშვილმა და გურამ მურღულიამ, მონაწილეობა მიიღეს საქართველოს უნივერსიტეტის მიერ ორგანიზებულ სტუდენტთა კონფერენციაში მეწარმეობისა და ტურიზმის თემაზე. გურამ მურღულიამ წარადგინა მოხსენება თემაზე “გასტრონომიული ტურიზმი – იტალიისა და საქართველოს შედარებითი ანალიზი;” ხოლო ლიკა ცისკარიშვილის მოხსენება “კურორტი ახტალა, გამოწვევები და სამომავლო პერსპექტივები” მეორე ადგილზე გავიდა.