ამსტერდამის უნივერსიტეტის პროფესორმა, კლარენს ვან დერ პუტმა IBSU-ში ჩაატარა მასტერკლასი თემაზე “ტურიზმის მარკეტინგი.”  ინტერაქტიურ შეხვედრაზე სტუდენტები გაეცნენ ტურიზმის ტრენდებს და ამ კონტექსტში მარკეტინგულ მიდგომებს.  შეხვედრის დასასრულს მასტერკლასის მონაწილე სტუდენტებს სერტიფიკატები გადაეცათ.

IBSU-ს განათლების, ჰუმანიტარული და სოციალური მეცნიერებების სკოლის პროფესორებმა ტექნოლოგიების, განათლებისა და განვითარების მე-17 საერთაშორისო კონფერენციაში მიიღეს მონაწილეობა, რომელიც 6-8 მარტს, ესპანეთის ქალაქ ვალენსიაში გაიმართა. IBSU-ს გუნდმა კონფერენციის მონაწილეებს გააცნო ოთხი სტატია მასწავლებლის პროფესიის, მოსწავლეთა ემოციური კეთილდღეობისა და სწავლების მეთოდოლოგიის თანამედროვე ტენდენციების შესახებ. პროფესორმა

IBSU-ში კომპიუტერული მეცნიერებისა და არქიტექტურის სკოლის სტუდენტი გოგონების ნამუშევართა გამოფენა გაიმართა. გამოფენაზე გამოტანილი იყო სტუდენტების მიერ აწყობილი უნიკალური თვალსაჩინოებები, მათ შორის ტურინგის  მანქანა, X/O ხელსაწყო, ნახაზები, შენობების მინიატურული მაკეტები და ა.შ.

ამერიკისმცოდნეობის საბაკალავრო და სადოქტორო პროგრამების ხელმძღვანელმა, თამარ შიოშვილმა წაიკითხა საჯარო ლექცია თემაზე "თეთრი სახლის დიასახლისები." შიოშვილმა ვრცლად ისაუბრა ოთხი პირველი ლედის, აბიგაილ ადამსის, ელეანორ რუზველტის, ჟაკლინ კენედისა და ჰილარი კლინტონის როლზე ქალთა უფლებების ჭრილში.  

IBSU-ს სამართლისა და სახელმწიფო მმართველობის სკოლის ორგანიზებით გაიმართა პანელური დისკუსია თემაზე "ქალები მართლმსაჯულებისთვის." უზენაესი სასამართლოს წარმატებულმა მოსამართლე ქალებმა, ეკატერინე გასიტაშვილმა, თამარ ოქროპირიძემ, ქეთევან ცინცაძემ და საქართველოს საკონსტიტუციო სასამართლოს მოსამართლემ, ირინა იმერლიშვილმა სასამართლო სისტემაში მიღებულ გამოცდილებაზე ისაუბრეს და დისკუსიის მონაწილეების კითხვებს უპასუხეს.

IBSU-ს მარკეტერებმა და ყველასთვის საყვარელმა ციყვმა გივი ზალდასტანიშვილის სახელობის ამერიკული აკადემიის მე-11 და მე-12 კლასის მოსწავლეებს და მათ მშობლებს საბაკალავრო პროგრამები გააცნეს.

IBSU-ს ადამიანური რესურსების მართვისა და განვითარების სამსახურის ორგანიზებით, კანცლერმა ექრემ დინდაროლმა უნივერსიტეტის ქალ თანამშრომლებს 3 და 8 მარტის დღესასწაულები მიულოცა და საჩუქრად ყვავილები გადასცა.

საქართველოს მოსწავლეთა ზამთრის მე-10 ოლიმპიადა ინფორმატიკაში დასრულდა, რომელშიც სხვადასხვა საოლიმპიადო წრეებში გაერთიანებულმა 133-მა მოსწავლემ მიიღო მონაწილეობა. ოლიმპიადა გაიმართა სამ ასაკობრივ ჯგუფში: 6-8 კლასები (72 მოსწავლე), 9-10 კლასები (42 მოსწავლე) და 11-12 კლასები (19 მოსწავლე). ოლიმპიადაზე, რომელიც მსოფლიო ოლიმპიადის ფორმატით ჩატარდა, საკმაოდ რთული ამოცანები იყო

შავი ზღვის საერთაშორისო უნივერსიტეტმა თურქეთში დამანგრეველი მიწისძვრის შედეგად დაზარალებულებისთვის საჭირო ნივთები შეაგროვა. საქველმოქმედო აქციაში მონაწილეობდა IBSU-ს აკადემიური და ადმინისტრაციული პერსონალი, სტუდენტები და კურსდამთავრებულები. სტიქიის შედეგად დაზარალებულებისთვის შეგროვილი ნივთები დღეს გაიგზავნა.

შავი ზღვის საერთაშორისო უნივერსიტეტის ხარისხის უზრუნველყოფის სამსახურის უფროსი ქეთევან ნანობაშვილი სტრატეგიული გეგმის შესრულების ფარგლებში შეხვედრებს მართავს უნივერსიტეტის სხვადასხვა სტრუქტურულ ერთეულთან. შეხვედრების მონაწილეები მსჯელობენ როგორც გეგმის ფარგლებში შესრულებულ ამოცანებზე, ისე სამომავლო ეტაპებზე. სტრატეგიული გეგმის განხილვაში მონაწილეობა უკვე მიიღეს სასწავლო და სამეცნიერო სამსახურის ქვედანაყოფებმა,