IBSU-ს პროფესორი მაია ჩქოტუა ესპანეთის შუა ატლანტიკის უნივერსიტეტს ეწვია
06.11.2024შავი ზღვის საერთაშორისო უნივერსიტეტის განათლების, ჰუმანიტარული და სოციალური მეცნიერებების სკოლის ინგლისური ფილოლოგიის საბაკალავრო პროგრამის ხელმძღვანელი, აფილირებული პროფესორი, დოქტორი მაია ჩქოტუა ერაზმუს + პერსონალის მობილობისა და შიდაინსტიტუციური შეთანხმების ფარგლებში, ესპანეთის შუა ატლანტიკის უნივერსიტეტს ეწვია ლას პალმას გრან კანარიაში.
პროფესორმა მაია ჩქოტუამ ასევე მონაწილეობა მიიღო მე-3 საერთაშორისო კვირეულში სადაც შავი ზღვის უნივერსიტეტი გააცნო ევროპის უნივერსიტეტების 35 ქვეყნის წარმომადგენელს. მან აგრეთვე მოხსენება გააკეთა თემაზე „საქართველოს განათლების სისტემა და ხარისხის უზრუნველყოფა“. საერთაშორისო კვირეულის ფარგლებში, პროფესორი მაია ჩქოტუა დაესწრო სხვადასხვა აქტივობებს და სამუშაო შეხვედრებს.
ვიზიტის ფარგლებში, პროფესორი მაია ჩქოტუა შეხვდა განათლების ფაკულტეტის დეკანს, და საერთაშორისო ურთიერთობების სამსახურის ხელმძღვანელს სადაც განხილულ იქნა განათლების ადმინისტრირების ერთობლივი სამაგისტრო პროგრამის შემუშავების პერსპექტივა. შეხვედრაზე მხარეებმა განიხილეს ერაზმუს + ფარგლებში თანამშრომლობის გაძლიერების მომავალი შესაძლებლობები.