ვინ არის მარკეტოლოგი?
მარკეტინგი ბევრს მხოლოდ რეკლამა და სოციალური მედია ჰგონია, თუმცა ეს არის მეცნიერება ადამიანების ქცევაზე, მონაცემებსა და კრეატივზე. თუ ამ სფეროს ირჩევ, აი, რა უნდა იცოდე:
ხასიათი და თვისებები
წარმატებულ მარკეტოლოგს ორივე ნახევარსფერო თანაბრად უმუშავებს:
- ემპათიურობა: უნდა შეგეძლოს მომხმარებლის თვალით დაინახო სამყარო. რა სჭირდებათ მათ? რა აწუხებთ?
- ცნობისმოყვარეობა: მარკეტოლოგი არის მუდმივი “დეტექტივი”, რომელიც სულ ეძებს პასუხს კითხვაზე – “რატომ?”;
- ანალიტიკური აზროვნება: ციფრები შენი მეგობარი უნდა გახდეს. მარკეტინგი “ჰაერზე” საუბარი არაა, ის ეყრდნობა მონაცემებს;
- მოქნილობა (Agility): ეს სფერო ყოველდღე იცვლება. თუ გიყვარს სტაბილურობა და ერთი და იგივე რუტინა – მარკეტინგი შენთვის არ არის.
აუცილებელი უნარები (Skills)
- Storytelling (ამბის თხრობა): შეგიძლია ისე მოყვე პროდუქტზე, რომ ადამიანს მისი ყიდვა მოუნდეს?
- მონაცემთა ანალიზი: Google Analytics, Facebook Insights და Excel შენი ყოველდღიურობა იქნება;
- ფსიქოლოგიის საფუძვლები: უნდა გესმოდეს, რა უბიძგებს ადამიანს გადაწყვეტილების მიღებისკენ;
- ტექნოლოგიური ალღო: მარკეტინგი დღეს = ტექნოლოგიას (MarTech). AI-ს გამოყენება, სარეკლამო პლატფორმების მართვა და ციფრული ხელსაწყოები შენი იარაღია.
რა გამოწვევებისთვის უნდა იყო მზად?
- მუდმივი სწავლა: რაც დღეს მუშაობს, ხვალ შესაძლოა მოძველდეს. სწავლას უნივერსიტეტის დასრულების შემდეგაც არასდროს შეწყვეტ;
- კრიტიკა და ექსპერიმენტები: ყველა კამპანია ვერ იქნება წარმატებული. უნდა შეგეძლოს წარუმატებლობის ანალიზი და თავიდან დაწყება;
- მაღალი პასუხისმგებლობა: შენ განკარგავ კომპანიის ბიუჯეტს და შენზეა დამოკიდებული, გაიყიდება თუ არა პროდუქტი.
