[edgt_separator type='full-width' position='center' border_style='solid' color='#ebebeb' width='' thickness='1' top_margin='10' bottom_margin='21' ]
Image Alt

იმიტირებული სასამართლო პროცესები სისხლის, სამოქალაქო და კონსტიტუციური სამართლის მიმართულებით

სამართლის ფაკულტეტი

შავი ზღვის საერთაშორისო უნივერსიტეტის სამართლის ფაკულტეტი აცხადებს შეჯიბრს იმიტირებულ სასამართლო პროცესებში სისხლის, სამოქალაქო და კონსტიტუციური სამართლის მიმართულებით

შეჯიბრში მონაწილეობის უფლება აქვთ:

  • იურიდიული ან საერთაშორისო სამართლის ფაკულტეტის ბაკალავრიატის III, IV კურსისა და მაგისტრატურის  სტუდენტებს, რომელთაც გავლილი აქვთ სისხლის სამართლის პროცესი, სამოქალაქო სამართლის პროცესი და ადამიანის ძირითადი უფლებები და თავისუფლებები.
  • კონკურსში თითოეული მიმართულების მიხედვით მონაწილეობა შეუძლია ერთი უმაღლესი დაწესებულებიდან თითო გუნდს.

მონაწილეობის პირობები:

–  გუნდი უნდა შედგებოდეს არაუმეტეს ოთხი წევრისგან;

–  გუნდმა დათქმულ ვადაში უნდა გამოაგზავნოს განაცხადის ფორმა.

– რეგისტრაციის დასრულებიდან პირველ სამუშაო დღეს გუნდს გაეგზავნება კაზუსი. გუნდს ეძლევა მოსამაზადებელი 2 კვირიანი ვადა.

– შეჯიბრის წესებში მოცემული მასალების წარმოდგენიდან 5 დღის განმავლობაში შეირჩევა მონაწილე გუნდები და ჩატარდება კენჭისყრა.

კონკურსში მონაწილე გუნდმა ელექტრონულ მეილზე უნდა გამოაგზავნოს:

  • ელექტრონულად შევსებული განაცხადის ფორმა;
  • შესაბამის კურსზე სწავლების დამადასტურებელი დოკუმენტი (დასკანირებული);
  • პირადობის დამადასტურებელი მოწმობის ასლი (დასკანირებული).

განაცხადები მიიღება 2017 წლის 23 მარტიდან 20 აპრილის ჩათვლით ქვემოთ მითითებულ ელ. ფოსტაზე ან მყარი-ამობეჭდილი ფორმით შავი ზღვის საერთაშორისო უნივერსიტეტის სამართლის ფაკულტეტის ადმინისტრაციაში ქვემოთ მითითებულ მისამართზე. მყარი ფორმით წარმოდგენის შემთხვევაში გაითვალისწინეთ, რომ საბუთები მიიღება ორშაბათიდან პარასკევის ჩათვლი 9:00-დან 17:00 სთ.

დამატებითი ინფორმაციისათვის მოგვმართეთ შავი ზღვის საერთაშორისო უნივერსიტეტის სამართლის ფაკულტეტის ადმინისტრაციას შემდეგმისამართზე:

თბილისი, დ. აღმაშენებლის ხეივანი მე-13 კმ, N2, 0131, 502

საკონტაქტო პირები:

თამარ ხუბულური – პროექტის ხელმძღვანელი – tako_khubuluri@yahoo.com , ტელ: +995 551 53 22 72

ანა ცანავა – პროექტის ასისტენტი +995 322 595050 შიდა ნომერი 164

განაცხადის ფორმა და შეჯიბრის წესები იხილეთ თანდართულ ფაილებში.