შავი ზღვის საერთაშორისო უნივერსიტეტის სამართლის ფაკულტეტის ორგანიზებით, 5 მაისს გაიმართა ღონისძიება სახელწოდებით – „ნუ დაემონები“ , რომლის ფარგლებშიც საჯარო ლექცია გამართეს მედიცინის მეცნიერებათა დოქტორმა, გადაცემა „ექიმების“ თანაწამყვანმა, კოტე მათითაშვილმა და კონსტიტუციონალისტმა დიმიტრი გეგენავამ. აღნიშნული ღონისძიება, მიზნად ისახავდა უნივერსიტეტის ტერიტორიის ერთი დღით განთავისუფლებას თამბაქოს არასასურველი და მავნე ზეგავლენისაგან.
ლექციის ფარგლებში,სტუმრებმა თემა განიხილეს ფართოდ, სამართვებრივ და ჯანდაცვით ჭრილში. ასევე ისაუბრეს ახალ კანონ-პროექტზე,რომელიც საზოგადოებრივი თავშეყრის ადგილებში მწეველთათვის ცალკე სივრცის გამოყოფას ეხება. შეხვედრა გაგრძელდა კითხვა-პასუხის რეჟიმში.