სამაგისტრო პროგრამაზე მიღება

შავი ზღვის საერთაშორისო უნივერსიტეტში სწავლის უფლების მოპოვების მიზნით მაგისტრანტობის კანდიდატებისთვის საბუთების მიღება 20 აგვისტოდან იწყება! აპლიკანტი, რომელიც დარეგისტრირდება 20-31 აგვისტოს (I ეტაპი) და ხელშეკრულებას გააფორმებს 11-16 სექტემბერს, ისარგებლებს 30%_იანი ფასდაკლებით. აპლიკანტი, რომელიც დარეგისტრირდება 11-18 სექტემბერს (II ეტაპი) და ხელშეკრულებას გააფორმებს 25-27 სექტემბერს, ისარგებლებს 15%_იანი ფასდაკლებით.

საქართველოს მოქალაქე მაგისტრანტობის კანდიდატს პროგრამაზე დაშვებისათვის მოეთხოვება:

• ბაკალავრის ან მასთან გათანაბრებული აკადემიური ხარისხი;
• საერთო სამაგისტრო გამოცდის წარმატებით ჩაბარება;
• საერთო სამაგისტრო გამოცდის წარმატებით ჩაბარება;
• სპეციალობაში შიდასაუნივერსიტეტო გამოცდების ჩაბარება;
• უცხო ენაში B2 დონის შიდასაუნივერსიტეტო გამოცდის ჩაბარება;

გაითვალისწინეთ!

• განმცხადებლები, რომლებსაც აქვთ უცხო ენის B2 დონეზე ფლობის დამადასტურებელი საერთაშორისო სერტიფიკატი თავისუფლდებიან უცხო ენის გამოცდის ჩაბარებისაგან;
• იმ კანდიდატებისათვის, რომლებსაც შავი ზღვის საერთაშორისო უნივერსიტეტში ბოლო 3 წლის განმავლობაში აქვთ მოპოვებული ინგლისურენოვანი პროგრამის ბაკალავრის ხარისხი, თავისუფლდებიან ინგლისური ენის გამოცდის ჩაბარებისგან. ამ კატეგორიის სტუდენტების ჩარიცხვა განხორციელდება მხოლოდ დარგობრივი გამოცდების შედეგებისა და გასაუბრების საფუძველზე. ხოლო, თუ საბაკალავრო პროგრამის დასრულების შემდგომი პერიოდი აჭარბებს 3 წელს, კანდიდატს მოეთხოვება სპეციალობისა და ინგლისური ენის გამოცდის ჩაბარება.
• თანაბარი ქულების შემთხვევაში, კონკურსის პირობებში მხედველობაში მიიღება მაგისტრანტობის კანდიდატის GPA;
• გამოცდა სპეციალობაში ტარდება პროგრამის განხორციელების ენაზე.

ელექტრონული რეგისტრაცია / საბუთების მიღება
მაგისტრანტობის კანდიდატმა აუცილებელია რეგისტრაცია გაიაროს სასურველ პროგრამაზე და ასევე საჭირო დოკუმენტაცია გადმოგზავნოს სამაგისტრო და სადოქტორო სკოლის ელ. ფოსტაზე: Email: tamarmshvidobadze@ibsu.edu.ge

სამაგისტრო პროგრამები:
1 – აშშ-ს საგარეო ურთიერთობები – რეგისტრაცია

2 – განათლების ადმინისტრირება (ინგლისური სექტორი) – რეგისტრაცია

3 – განათლების ადმინისტრირება (ქართული სექტორი) – რეგისტრაცია

4 – მარკეტინგი – რეგისტრაცია

5 – მენეჯმენტი – რეგისტრაცია

6 – ფინანსები (ინგლისური სექტორი) – რეგისტრაცია

7 – ფინანსები (ქართული სექტორი ) – რეგისტრაცია

8 – ციფრული მედია და კომუნიკაცია – რეგისტრაცია

9 – საერთაშორისო ურთიერთობები – რეგისტრაცია

10 – კომპიუტერული მეცნიერება – რეგისტრაცია

11- მენეჯმენტი და კომპიუტერული მეცნიერება – რეგისტრაცია

12 – შედარებითი კომერციული სამართალი (ქართული პროგრამა ინგლისური კომპონენტებით) – რეგისტრაცია

ლინკზე იხილეთ  სამაგისტრო პროგრამებზე მისაღები გამოცდების საკითხები:
www.ibsu.edu.ge/ge/gs-page/entrance-exam-questions-for-ma-programs

საბუთების ჩამონათვალი:

1. აპლიკაციის ფორმა – (მითითებული ფაილი ჩამოტვირთეთ და შეავსეთ);
2. ორი ფოტოსურათი, 3X4-ზე(ბეჭდური და ელექტრონული ფორმით);
   პასპორტის ასლი, ასეთის არ არსებობის შემთხვევაში პირადობის მოწმობის ასლი;
3. უმაღლესი განათლების დამადასტურებელი დოკუმენტის (დიპლომის) და დანართის სანოტარო წესით დამოწმებული ასლები, ან შესაბამისი უმაღლესი საგანმანათლებლო დაწესებულების მიერ გაცემული ცნობა შესამაბისი ხარისხის მინიჭების შესახებ და ნიშნების ფურცელი; (შავი ზღვის საერთაშორისო
   უნივერსიტეტის მიერ გაცემული დიპლომის შემთხვევაში ასლების სანოტარო წესით დამოწმება არ არის სავალდებულო);
4. უმაღლესი განათლების უცხო ქვეყანაში მიღების შემთხვევაში, დიპლომისა და დანართის სანოტარო წესით დამოწმებული თარგმანები და უცხოეთში მიღებული განათლების აღიარების დოკუმენტი;
5. საიდენტიფიკაციო ბარათის/პასპორტის ასლი (უცხო ქვეყნის მოქალაქეებისთვის – სანოტარო წესით დამოწმებული თარგმანი);
6. უცხო ენის ცოდნის დამადასტურებელი საერთაშორისო სერთიფიკატი/უცხოენოვანი პროგრამის დასრულების შედეგად მინიჭებული აკადემიური ხარისხის დამადასტურებელი დოკუმენტი – დიპლომი და დანართი (არსებობის შემთხვევაში);
7. კანონმდებლობით დადგენილი წესით სამხედრო აღრიცხვას დაქვემდებარებული პირის მიერ სამხედრო აღრიცხვაზე ყოფნის დამადასტურებელი დოკუმენტი;
8. საერთო სამაგისტრო გამოცდის ბარათი;
9. სამოტივაციო წერილი (მხოლოდ ,,მენეჯმენტი და კომპიუტერული მეცნიერების“ პროგრამის აპლიკანტთათვის სხვა ჩამოთვლილ საბუთებთან ერთად).

უცხო ქვეყნის მოქალაქეთათვის იხილეთ ბმული:
www.iro.ibsu.edu.ge

იმისათვის, რომ მოხდეს, დარეგისტრირებულ აპლიკანტთა შიდა საუნივერსიტეტო სამაგისტრო გამოცდებზე დაშვება, მოთხოვნილი დოკუმენტები უნდა გადმოგზავნონ მითითებულ ელ. ფოსტაზე 4 სექტემბრამდე, ხოლო II ეტაპზე დარეგისტრირების შემთხვევაში 19 სექტემბრამდე) : tamarmshvidobadze@ibsu.edu.ge
Subject-ში მიუთითეთ პროგრამა, რომელ პროგრამაზეც აპირებთ სწავლის გაგრძელებას. არასრულად გადმოგზავნილი დოკუმენტები არ განიხილება!

საბოლოო შედეგების გამოქვეყნების შემდეგ კი ხელშეკრულების გაფორმების დროს, მოთხოვნილი დოკუმენტაცია უნდა წარმოადგინოთ უნივერსიტეტში ამობეჭდილი სახით.

—————————————————————————————————————————

,,მენეჯმენტი და კომპიუტერული მეცნიერების” პროგრამის მსურველთა საყურადღებოდ!

,,მენეჯმენტი და კომპიუტერული მეცნიერების“ სამაგისტრო პროგრამას აქვს პროგრამაზე დაშვების წინაპირობა: ამ პროგრამაზე სწავლის მსურველ აპლიკანტს უნდა ჰქონდეს ბაკალავრის ხარისხი ერთ-ერთ შემდეგ დარგში ან მათ მომიჯნავე დარგებში:

• მენეჯმენტი
• კომპიუტერული მეცნიერება
• საინფორმაციო ტექნოლოგიები
• ბიზნესის ადმინისტრირება
• საერთაშორისო ურთიერთობები
• ენათმეცნიერება

ამ პროგრამაზე დაიშვებიან ის აპლიკანტებიც, რომლებსაც ჩამოთვლილ რომელიმე დარგში აქვთ სამუშაო გამოცდილება ან აქვთ აღიარებული საერთაშორისო სერტიფიკატი, რომელიც ადასტურებს, რომ სწავლის გასაგრძელებლად აქვთ
შესაბამისი კომპეტენცია.

,,მენეჯმენტი და კომპიუერული მეცნიერებების“ პროგრამაზე სპეციალობის გამოცდა არ მოითხოვება (ჩატარდება მხოლოდ გასაუბრება). ამ პროგრამის შესახებ მეტი ინფორმაცია იხილეთ ბმულზე https://ibsu.edu.ge/ge/ca-page/management-and-computer-science/

სამაგისტრო პროგრამებზე მისაღები შიდა საუნივერსიტეტო გამოცდების განრიგი

I ეტაპზე დარეგისტრირებულ აპლიკანტთათვის წერითი გამოცდები:
1. ინგლისური ენა: 4 სექტემბერი – 18:00 (სასწავლო B კორპუსი, პირველი სართული)
2. სპეციალობა: 5სექტემბერი – 18:00 (სასწავლო B კორპუსი, პირველი სართული)
3. დამატებითი (წერითი) გამოცდები სპეციალობაში ჩატარდება 6 სექტემბერს, 18:00-ზე. სასწავლო B კორპუსი, პირველი სართული. (მათთვის, ვისაც ორ პროგრამაზე აქვს განაცხადი შევსებული);
გასაუბრება: 6-7 სექტემბერი (მხოლოდ ,,მენეჯმენტი და კომპიუერული მეცნიერებების“ პროგრამის აპლიკანტებისთვის).

II ეტაპზე დარეგისტრირებულ აპლიკანტთათვის წერითი გამოცდები:
1. ინგლისური ენა: 19 სექტემბერი – 18:00 (სასწავლო B კორპუსი, პირველი სართული)
2. სპეციალობა: 20 სექტემბერი – 18:00 (სასწავლო B კორპუსი, პირველი სართული)
3. დამატებითი (წერითი) გამოცდები სპეციალობაში ჩატარდება 21 სექტემბერს, 18:00-ზე. სასწავლო B კორპუსი, პირველი სართული. (მათთვის, ვისაც ორ პროგრამაზე აქვს განაცხადი შევსებული);
გასაუბრება: 21-22 სექტემბერი (მხოლოდ ,,მენეჯმენტი და კომპიუერული მეცნიერებების“ პროგრამის აპლიკანტებისთვის).

დამატებითი კითხვების შემთხვევაში, გთხოვთ, დაგვიკავშირდეთ!
Email: tamarmshvidobadze@ibsu.edu.ge

გისურვებთ წარმატებებს!