IBSU საერთაშორისო ურთიერთობების პროგრამის ორგანიზებით, ჩატარდა პანელური დისკუსია თემაზე „რუსეთ-უკრაინის ომი, საერთაშორისო პასუხი მსოფლიო წესრიგისა და უსაფრთხოების გამოწვევებზე.“

პანელური დისკუსიის ფორმატში, უკრაინაში მიმდინარე მოვლენებზე და მის თანმხლებ პროცესებზე საქართველოსა და მსოფლიოში ისაუბრეს მოწვეულმა ექსპერტებმა:

ივანნა მაჩიტიძე, შავი ზღვის საერთაშორისო უნივერსიტეტის ასოცირებული პროფესორი, პოლიტიკის მეცნიერების დოქტორი;

შალვა ძებისაშვილი, პოლიტიკის მეცნიერების დოქტორი, საქართველოს სტრატეგიული ანალიზის ცენტრის (GSAC) თანადამფუძნებელი;

გიორგი გობრონიძე, IBSU-ს მოწვეული ლექტორი, საერთაშორისო ურთიერთობებისა და უსაფრთხოების მკვლევარი.

დავით ბრაგვაძე, IBSU-ს მოწვეული ლექტორი, საქართველოს უსაფრთხოების პოლიტიკის ინსტიტუტის დამფუძნებელი.

დისკუსიის ფარგლებში განიხილეს რუსეთ-უკრაინის ომი, რუსეთის ინტერესები და ქმედებები, ე.წ. „ნოვორასიას“ პროექტი, მოვლენათა განვითარების შესაძლო სცენარები, საქართველოს უსაფრთხოებისა და საგარეო პოლიტიკის გამოწვევები. შეხვედრის მეორე ნაწილი დარბაზთან კითხვა-პასუხს დაეთმო.