[edgt_separator type='full-width' position='center' border_style='solid' color='#ebebeb' width='' thickness='1' top_margin='10' bottom_margin='21' ]
Image Alt

საერთაშორისო ურთიერთობების მიმართულების პროექტი iribsu.ge

სოციალურ, ჰუმანიტარულ მეცნიერებათა და განათლების ფაკულტეტი

ყურადღება!

საერთაშორისო ურთიერთობების მიმართულება იწყებს ახალ საინტერესო და კრეატიულ პროექტს iribsu.ge!!!!

ეს არის სტუდენტური ბლოგი საერთაშორისო ურთიერთობების სტუდენტებისთვის და ლექტორებისთვის, რომელსაც თავად სტუდენტები და ლექტორები შექმნიან!

 

  • თქვენ შეგიძლიათ წეროთ

თქვენს სტუდენტურ გამოცდილებაზე, სხვადასხვა ხრიკებზე, თუ როგორ ახერხებთ, იყოთ წარმატებული სტუდენტები და აქტიური მოქალაქეები, ან რა გამოწვევები არსებობს თქვენს ყოველდღიურ სტუდენტურ ცხოვრებაში;

  • თქვენ შეგიძლიათ წეროთ

თქვენი სპეციალობის თქვენთვის საინტერესო თემებზე, ახალ ამბებზე, მოვლენათა განვითარების თქვენეულ ხედვაზე და იმ გამოცდილებებზე, რაც საერთაშორისო ურთიერთობების სპეციალობაში თქვენს აუდიტორიებში, თქვენს ლექტორებთან მსჯელობაში გენერირდება.

  • თქვენ შეგიძლიათ წეროთ

იმ შესაძლებლობებზე, რასაც აქ, ჩვენს პროგრამაზე გატარებული სტუდენტური პერიოდი გაძლევთ, ან იმ გარემოებებზე, რომლებიც ფიქრობთ, რომ სასიცოცხლოდ მნიშვნელოვანია თქვენთვის, არ გვაქვს და შეგვიძლია ერთად შევქმნათ.

  • თქვენ შეგიძლიათ გამოაქვეყნოთ

სხვადასხვა საკურსო ნაშრომები და კვლევითი პროექტები, რომლებიც თქვენს საგნებთან და სპეციალიზებულ თუ პროფესიულ აქტივობებთანაა დაკავშირებული.

 

ბლოგის ფარგლებში იმუშავებს შემდეგი კატეგორიები:

  • სუ მოგზაურობა – აქ ნახავთ იმ სტუდენტი ბლოგერების ამბებს, რომლებიც მოგზაურობენ საქართველოში და მის ფარგლებს გარეთ, მონაწილეობენ საერთაშორისო პროექტებში, კონფერენციებში, მოხალისეობრივ სამუშაოებში, გაცვლით პროგრამებში და ა.შ.
  • დიალოგი – გსურთ გაიგოთ მეტი ლექტორებისა და სტუდენტების ხედვების შესახებ? საკლასო რუტინის მიღმა მსჯელობას გაეცნობით აქ.
  • ეზოს ამბები – საუნივერსიტეტო ცხოვრება, მისი დადებითი და უარყოფითი მხარეები, საუნივერსიტეტო მენეჯმენტი, პიროვნული განვითარება, ხარვეზები და აღმოჩენები
  • აუდიტორიის გარეთ – ლექტორების ეზოს ამბები (იხილეთ „ეზოს ამბები“-ს აღწერა)
  • სუ აკადემია – აკადემიური ნაშრომები (კვლევები, საკონფერენციო და პროექტის მასალები, რეფერატები და ა.შ.)
  • სუ ნიუსრუმი – საერთაშორისო ურთიერთობების სფეროში სტუდენტების მიერ განხილული ახალი ამბები
  • შესაძლებლობები – ახალი შესაძლებლობების ბაზა (პროექტები, კონფერენციები, საზაფხულო სკოლები, ტრეინინგები და ა.შ. იბსუ-ში და მის გარეთ)

 

სემესტრის ბოლოს სოციალურ მეცნიერებათა ფაკულტეტი გამოავლენს საუკეთესო ავტორებს ორ ნომინაციაში და ექვს კატეგორიაში:

  • ყველაზე კრეატიული და სასარგებლო ნაშრომის ავტორი – წიგნის მაღაზიის 100-ლარიანი სასაჩუქრე ვაუჩერი.
  • ყველაზე აქტიური ავტორი – წიგნის მაღაზიის 100 – ლარიანი სასაჩუქრე ვაუჩერი.
  • თითოეული კატეგორიის საუკეთესო ავტორი (სულ 6) – წიგნის მაღაზიის 50-ლარიანი სასაჩუქრე ვაუჩერი (არ ვლინდება გამარჯვებული „შესაძლებლობების“ კატეგორიისთვის).

 

  • ბლოგისთვის წერა შეუძლია საერთაშორისო ურთიერთობების პროგრამის ნებისმიერ სტუდენტს და ლექტორს.
  • ბლოგპოსტი შეიძლება იყოს ქართულ ან ინგლისურ ენაზე.
  • თითოეული სტუდენტისთვის ბლოგპოსტების რაოდენობა შეზღუდული არ არის.
  • ერთი ბლოგპოსტის წერა შეუძლია მაქსიმუმ ორ სტუდენტს, ან სტუდენტს და ლექტორს.

კრიტერიუმები ბლოგპოსტისთვის:

  • უნდა იყოს კრეატიული;
  • უნდა შეეხებოდეს სტუდენტურ ცხოვრებას, სწავლა-სწავლებასთან დაკავშირებულ პრობლემატიკას და თემატიკას და/ან საერთაშორისო ურთიერთობების სფეროს;
  • უნდა შეესაბამებოდეს ეთიკის წესებს – თავიდან უნდა იყოს აცილებული შეურაცხმყოფელი იდეები, ტერმინები და მოსაზრებები;
  • უნდა იყოს მინიმუმ 450 და მაქსიმუმ 700 სიტყვა.

 

ბლოგპოსტები უნდა გამოგვიგზავნოთ მიმართულების საკონტაქტო პირებს:

სოფო ინასარიძე: sinasaridze@ibsu.edu.ge

ნინო სამხარაძე: nsamkharadze@ibsu.edu.ge

 

ბლოგპოსტების პირველი ნაკადის მისაღებად ბოლო ვადა: 2019 წლის 4 მარტი.

ბლოგპოსტები ექვემდებარება ტექნიკურ რედაქტირებას და შინაარსობრივ შერჩევას ფაკულტეტზე შექმნილი სპეციალური კომისიის მიერ.

 

სოციალურ მეცნიერებათა ფაკულტეტი გისურვებთ წარმატებებს!