სოციალურ მეცნიერებათა ფაკულტეტის ხარისხის მართვის სამსახური აგრძელებს საკონსულტაციო შეხვედრებს სტუდენტებთან!
2017 წლის 27 ნოემბერს, სოციალურ მეცნიერებათა ფაკულტეტის ხარისხის მართვის სამსახურის წარმომადგენელმა ქ-ნმა თამარ ქარაზანიშვილმა ჩაატარა საკონსულტაციო შეხვედრა სტუდენტებთან – ფოკუს ჯგუფებთან.
ქ-ნი თამარ ქარაზანიშვილი შეხვდა საერთაშორისო ურთიერთობებისა და პოლიტიკის სამაგისტრო საგანმანათლებლო პროგრამის დამამთავრებელი კურსის სტუდენტებს. ქ-ნმა თამარმა პროგრამის ყველაზე მაღალი აკადემიური მოსწრების სტუდენტებისგან მოისმინა შესაბამისი რეკომენდაციები და რჩევები სწავლების ხარისხის, არსებული პრობლემებისა და მათი გადაჭრის გზების შესახებ.
აღნიშნული შეხვედრის მიზანი იყო არსებული პროგრამის დახვეწა, სტუდენტებზე ორიენტირებული მიდგომების შემუშავება, მათი ინტერესების გათვალისწინება, რაც თავისთავად გულისხმობს მათთვის საინტერესო, პროდუქტიული და კომფორტული სასწავლო გარემოს შექმნას.