[edgt_separator type='full-width' position='center' border_style='solid' color='#ebebeb' width='' thickness='1' top_margin='10' bottom_margin='21' ]
Top
Image Alt

სოციალური მეცნიერებები დამწყებთათვის

განათლების, ჰუმანიტარული და სოციალური მეცნიერებების სკოლა

პროექტი „სოციალური მეცნიერებები დამწყებთათვის“, რომელიც აქამდე ცნობილი იყო, როგორც „ეკონომიკა დამწყებთათვის“, ფუნქციონირებს 2017-2018 წლის გაზაფხულის სემესტრიდან შავი ზღვის საერთაშორისო უნივერსიტეტის სოციალურ მეცნიერებათა ფაკულტეტის სტუდენტების ინიცირებით.  აღნიშნული პროექტი განკუთვნილია სკოლის მოსწავლეებისათვის. კერძოდ, ჩვენი პროექტის ბენეფიციარებს წარმოადგენენ მე-10, მე-11 და მე-12 კლასის მოსწავლეები. პროექტის ზოგადი  მიზანია  ახალგაზრდებისთვის აქტიური ცხოვრების ხელშეწყობა, მათი პიროვნული და აკადემიური წინსვლა. შავი ზღვის საერთაშორისო უნივერსიტეტი აცნობიერებს ,რომ ქვეყნის მომავალი სწორედ ახალგაზრდებზეა დამოკიდებული,ამიტომ მსგავსი პროექტებით ცდილობს, შესაბამისი უნარ-ჩვევები განუვითაროს მათ, რაც შემდგომში მათი პროფესიული წინსვლის გარანტი იქნება.

პროექტის დასახელებით თუ ვიმსჯელებთ, მისი მიზანი სოციალური მეცნიერებების სფეროთი ახალგაზრდების დაინტერესება უნდა იყოს. თუმცაღა, გარდა ამისა, იგი ორიენტირებულია ისეთი უნარ-ჩვევების განვითარებაზე, როგორიცაა:

1) კრიტიკული აზროვნება

2) მასალის სწრაფად ათვისება

3) ანალიზის უნარი

4) აუდიტორიასთან ურთიერთობა

5) თავდაჯერებულობა

6) ჯანსაღ კონკურენციასთან გამკლავება

7) პრეზენტაბელურობა

8) გუნდური მუშაობა

9)ნეთვორქინგი