სოციალურ-სპორტული აქტივობები შავი ზღვის საერთაშორისო უნივერსიტეტში

შავი ზღვის საერთაშორისო უნივერსიტეტი ტრადიციულად განაგრძობს ჯანსაღი ცხოვრების პოპულარიზაციას. ამ მიზნით, არაფორმალური პარასკევის ინიციატივის ფარგლებში, უნივერსიტეტის ეკომეგობრულ ეზოში გაიმართა თანამშრომელთა სოციალური და სპორტული აქტივობები. გარდა ამისა, პანდემიით გამოწვეული სტრესის შესამცირებლად და მიმდინარე რეგულაციების შემსუბუქების პარალელურად, უნივერსიტეტის თანამშრომელთათვის მოეწყო პიკნიკი ბუნებაში სოციალურ-კულტურული აქტივობების წახალისების მიზნით.