IBSU-მ ურთიერთთანამშრომლობის მემორანდუმი გააფორმა Institut Lyfe-თან

შავი ზღვის საერთაშორისო უნივერსიტეტმა (IBSU) ურთიერთთანამშრომლობის მემორანდუმი გააფორმა Institut Lyfe-თან (სტუმართმოყვარეობის სკოლა, კვების სერვისი და კულინარიული ხელოვნება).

საფრანგეთში მდებარე Institut Lyfe სასტუმროებისა და რესტორნების ინდუსტრიაში პირველი კერძო უმაღლესი საგანმანათლებლო დაწესებულებაა, რომელიც აღიარებულია განათლების, კვლევისა და ინოვაციების სამინისტროს მიერ და სტუდენტებს სთავაზობს აკრედიტებულ პროგრამებს მენეჯმენტის მიმართულებით.