მენეჯმენტი და ინფორმაციული ტექნოლოგიები (ინგლისურენოვანი)

პროგრამის აღწერა

საერთაშორისო აკრედიტაციის მქონე ორმაგი ხარისხის სამაგისტრო პროგრამა „მენეჯმენტი და ინფორმაციული ტექნოლოგიები“, მომავალ მაგისტრებს სთავაზობს უნიკალურ შესაძლებლობებს. ხსენებული საგანმანათლებლო პროგრამა შეიქმნა საერთაშორისო პარტნიორობის შედეგად ცვიკაუს გამოყენებით მეცნიერებათა უნივერსიტეტთან (გერმანია) და 4 პარტნიორ უნივერსიტეტთან აზიის და სამხრეთ კავკასიის ქვეყნებიდან. პარტნიორი უნივერსიტეტებია: შავი ზღვის საერთაშორისო უნივერსიტეტი (IBSU), ყაზახურ-ამერიკული თავისუფალი უნივერსიტეტი (KAFU), სომხეთის სახელმწიფო ეკონომიკური უნივერსიტეტი (ASUE), ყირგიზულ-გერმანული გამოყენებითი ინფორმატიკის ინსტიტუტი (INAI.KG).

აღნიშნული სასწავლო პროგრამა მიზნად ისახავს სტუდენტებისთვის თავიანთი პროფესიული კომპეტენციების კომპიუტერულ მეცნიერებებთან, ბიზნეს საინფორმაციო სისტემებთან, მენეჯმენტთან და ბიზნესის ადმინისტრირების ცოდნასთან დაკავშირების საშუალებას. ასევე სასწავლო პროგრამის მიზანია ხელი შეუწყოს სტუდენტებს ინტერკულტურული უნარების განვითარებაში. ამგვარად, პარტნიორი უნივერსიტეტები პასუხობენ გლობალიზაციისგან წარმოშობილ გამოწვევებს და აკმაყოფილებენ მზარდ გლობალურ მოთხოვნას საერთაშორისო გამოცდილებითა და ინტერკულტურული უნარებით აღჭურვილი, კარგად მომზადებული, მაღალკვალიფიციური კურსდამთავრებულების მომზადებით როგორც შიდა, ასევე საერთაშორისო შრომის ბაზრისათვის.

აკრედიტაცია

აღნიშნული პროგრამა აკრედიტებულია გერმანული სააკრედიტაციო სააგენტო ASIIN– ის მიერ და აღიარებულია განათლების ხარისხის განვითარების ცენტრის EQE -ს მიერ.

მიღება

მენეჯმენტი და ინფორმაციული ტექნოლოგიების ორმაგი დიპლომის სამაგისტრო პროგრამაზე მიღება კონტროლირდება პარტნიორ უნივერსიტეტებს შორის გაფორმებული შეთანხმებით და მის შესაბამისად უნდა დაკმაყოფილდეს შემდეგი პირობები:

• კანდიდატს უნდა გააჩნდეს პირველი  საუნივერსიტეტო უმაღლესი განათლების ხარისხი მენეჯმენტის, კომპიუტერული მეცნიერების, საინფორმაციო ტექნოლოგიების, ბიზნესის ადმინისტრირების, საერთაშორისო ურთიერთობების, ენათმეცნიერების ან მათთან დაკავშირებულ დარგებში.
• კანდიდატმა წარმატებით უნდა ჩააბაროს საერთო სამაგისტრო გამოცდა;
• უცხო ენაში B2 დონის შიდასაუნივერსიტეტო გამოცდის ჩაბარება, თუ საბაკალავრო დიპლომით/სერტიფიკატით არ უდასტურდება B2 დონის ცოდნა;
• კანდიდატმა წარმატებით უნდა გაიაროს გასაუბრება, რომლის დროსაც  მოწმდება აპლიკანტის მოტივაცია, კომპეტენციის არსებობა პროგრამის სწავლების ენაში (ინგლისური ენა არანაკლებ B2 დონე) და  ბიზნესის ადმინისტრირებასთან და კომპიუტერულ მეცნიერებასთან დაკავშირებული ფუნდამენტური საკითხების კარგი საბაზისო ცოდნა.

შენიშვნა: გასაუბრება ჩატარდება ონლაინ რეჟიმში კომისიის წევრებთან, რომლებიც წარმოდგენილნი იქნებიან შავი ზღვის საერთაშორისო უნივერსიტეტსა და ცვიკაუს გამოყენებით მეცნიერებათა უნივერსიტეტებიდან, ასევე 2 გარე დარგის ექსპერტი კომპიუტერული მეცნიერების, მენეჯმენტისა ან/და ბიზნეს ადმინისტრირების სფეროდან.

გასაუბრების საკითხები შეიძლება მოიცავდეს შემდეგ თემებს: კომპიუტერული პროგრამები, ოპერაციული სისტემები, მათი შედარებითი მახასიათებლები; გამოყენებითი ხასიათის პროგრამული უზრუნველყოფა, მათი კლასიფიკაცია; დაპროგრამების ენები და მათი კლასიფიკაცია; პროგრამული ალგორითმები, ვებ-ტექნოლოგიები და ვებ პროგრამირება; მონაცემთა ბაზები; მონაცემთა ბაზების მართვის სისტემები (DBMS-DBMS); კლიენტ-სერვერული ტექნოლოგიები; კომპიუტერული ქსელები და მათი კლასიფიკაცია; ქსელის პროტოკოლები; ხელოვნური ინტელექტი და ინტელექტუალური სისტემები; IT პროცესების მართვა; ხელოვნური ინტელექტის აპლიკაციები; ბიზნესის ანალიზის ძირითადი მოდელები და მათი კლასიფიკაცია; ბიზნეს პროცესები გლობალურ ქსელებში; ელექტრონული მმართველობა, მათი შეფასების ძირითადი პრინციპები; ბიზნეს პროცესის ადმინისტრირება, ციფრული ბიზნეს მოდელები, ცვლილებების მართვა, სტრატეგიული მართვა.

გაითვალისწინეთ!

• უცხო ენის გამოცდის ჩაბარებისაგან თავისუფლდება განმცხადებელი თუ მას დამთავრებული აქვს ინგლისურენოვანი საგანმანათლებლო პროგრამა, აქვს უცხო ენის B2 დონეზე ფლობის დამადასტურებელი საერთაშორისო სერტიფიკატი ან საბაკალავრო დიპლომით უდასტურდება B2 დონის ცოდნა;
• ინტერვიუზე მიღებული თანაბარი ქულების შემთხვევაში, კონკურსის პირობებში, მხედველობაში მიიღება მაგისტრანტობის კანდიდატის GPA;

წარმოსადგენი დოკუმენტები:

• სააპლიკაციო ფორმა;
• 2 ფოტო(3X4) (ამობეჭდილი და ელექტრონული ფორმით);
• რეზიუმე (CV);
• სამოტივაციო წერილი;
• ბაკალავრის ან მასთან გათანაბრებული დიპლომის სანოტარო წესით დამოწმებული ასლი (უცხო ენაზე გაცემული დიპლომის შემთხვევაში – სანოტარო წესით დამოწმებული თარგმანი) – IBSU-ის მიერ გაცემული დიპლომის შემთხვევაში ასლის სანოტარო წესით დამოწმება არ არის სავალდებულო;
• განმცხადებლის მიერ „უმაღლესი განათლების შესახებ“ საქართველოს კანონით განსაზღვრულ პერიოდში არანაკლებ ხუთწლიანი პროგრამის დასრულების შედეგად მიღებული დიპლომის წარმოდგენის შემთხვევაში, კანდიდატმა ასევე უნდა წარმოადგინოს კანონმდებლობით დადგენილი წესით გაცემული აღიარების დოკუმენტი, რომლითაც დასტურდება დიპლომის შესაბამის საფეხურთან გათანაბრება.
• საიდენტიფიკაციო ბარათისა და პასპორტის ასლი;
• უცხო ენის ცოდნის დონის დამადასტურებელი საერთაშორისო სერტიფიკატი / უცხოენოვანი პროგრამის დასრულების შედეგად მინიჭებული აკადემიური ხარისხის დამადასტურებელი დოკუმენტი – დიპლომი და დანართი.
• კანონმდებლობით დადგენილი წესით სამხედრო აღრიცხვას დაქვემდებარებული პირის მიერ სამხედრო აღრიცხვაზე ყოფნის დამადასტურებელი დოკუმენტი.

განაცხადების წარდგენა დადგენილ ვადებში ხორციელდება მონიტორინგის სამსახურში ოთახი A 111, ვიქტორია მინდიაშვილთან |  viktoria.mindiashvili@ibsu.edu.ge

უცხო ქვეყნის მოქალაქეთა ჩარიცხვის პროცედურებისა და წარმოსადგენი დოკუმენტაციისათვის იხილეთ ბმული: https://ibsu.edu.ge/en/iro/home/

დასაქმების სფერო

ორმაგი დიპლომის პროგრამა საფუძვლიანად, პრაქტიკულ გამოცდილებაზე დაყრდნობით ამზადებს სტუდენტებს საერთაშორისო და
რეგიონულ/ადგილობრივ ეკონომიკაში მომავალი გამოწვევებისთვის. კურსდამთავრებულებს შეეძლებათ აიღონ პასუხისმგებლობა ეკონომიკის განვითარებაზე გლობალურ და რეგიონულ/ლოკალურ ეკონომიკაში. დღეს სულ უფრო გლობალურ და ციფრულ სამყაროში, ეს პროგრამა კურსდამთავრებულებს საშუალებას აძლევს იმუშაონ მენეჯმენტისა და კომპიუტერული მეცნიერების სფეროებში, ისევე როგორც მათ გადაკვეთაზე. პროფესიული საქმიანობის კონკრეტული სფეროების მაგალითებია საშუალო და მაღალი რანგის მენეჯმენტი, კერძოდ, IT პროექტების მენეჯმენტი ან ცვლილებების მართვა ციფრულ ბიზნეს მოდელებზე ტრანსფორმაციისას, რეგიონალური და საერთაშორისო კომპანიები, პროექტების მართვა (IT), საინფორმაციო ტექნოლოგიების განვითარების სტრატეგია, სტარტაპის დაფუძნება, პროგრამული უზრუნველყოფის განვითარება და ბიზნესის ანალიტიკა.

პროგრამის წარმატების დასრულების შემდეგ სტუდენტი იღებს 2 დიპლომს – შავი ზღვის საერთაშორისო უნივერსიტეტიდან (IBSU-საქართველო) და ცვიკაუს გამოყენებით მეცნიერებათა უნივერსიტეტიდან (WHZ-გერმანია).

მისანიჭებელი კვალიფიკაცია ორივე უნივერსიტეტიდან:

1. შავი ზღვის საერთაშორისო უნივერსიტეტი (IBSU): მეცნიერებათა მაგისტრი „მენეჯმენტსა და ინფორმაციულ ტექნოლოგიებში“  (Master of Science in Management and Information Technologies);
2. ცვიკაუს გამოყენებით მეცნიერებათა უნივერსიტეტი (WHZ): მეცნიერებათა მაგისტრი „მენეჯმენტსა და ინფორმაციულ ტექნოლოგიებში“ (Master of Science in Management and Information Technologies), რომელიც იშლება 5 პროფილად (პროფილები რეგულირდება არჩევითი საგნებით 4 სემესტრის განმავლობაში).

პროფილები:

• ბიზნეს ანალიტიკოსი
• IT/პროექტის მენეჯერი
• პროგრამული უზრუნველყოფის ინჟინერი
• მონაცემთა ანალიტიკოსი
• სწავლული მდივანი/მეცნიერი

სწავლების ენა: ინგლისური
პროგრამის ხანგრძლივობა: 2 წელი (120 ECTS)

სწავლის საფასური

ეროვნული სამაგისტრო გამოცდებით ჩარიცხულებისთვის: 6500 ლარი

პირველი სემესტრის განმავლობაში გერმანიაში საცხოვრებელი ხარჯების დასაფარად გაიცემა სტიპენდიები საქართველოს მოქალაქეობის მქონე სტუდენტებისთვის. სტიპენდიების გაცემა წყდება კომისიასთან გასაუბრების შედეგად.

საკონტაქტო ინფორმაცია

პროგრამის ხელმძღვანელი: მარინა რაზმაძე
ელ-ფოსტა: mrazmadze@ibsu.edu.ge
ტელ: +995 32 2 800 064 (147)
ოთახი: A325

პროგრამა