- 10/11/2023
სიახლეები
პროექტი ‘სამართალი მოსწავლეებისთვის’ განახლდა
IBSU-ს სტუდენტების ორგანიზებით, შემოდგომის სემესტრში განახლდა ტრენინგ-კურსი “სამართალი მოსწავლეებისთვის”. ტრენინგის ფარგლებში სკოლის მონაწილეებმა შეისწავლეს სამართლის საფუძვლები, დარგები და პროფესიები, სასამართლო სისტემის თავისებურებები, იმსჯელეს ადამიანის უფლებებზე, დანაშაულების სახეებსა და სხვა მნიშვნელოვან სამართლებრივ საკითხებზე. ტრენინგის მიმდინარეობისას მოსწავლეები მუშაობდნენ კაზუსების ამოხსნაზე, ითამაშეს როლური თამაშები და ჰქონდათ დებატები. “სამართალი მოსწავლეებისთვის” IBSU-ს ყოველთვიური პროექტია.
- 20/10/2023
სამართლისა და სახელმწიფო მმართველობის სკოლის ახალი დეკანი სტუდენტებს შეხვდა
IBSU-ს სამართლისა და სახელმწიფო მმართველობის სკოლის ახალი დეკანი სალომე კუჭუხიძე სამართალმცოდნეობის პროგრამის და საჯარო ადმინისტრირებისა და სახელმწიფო მმართველობის პროგრამის სტუდენტებს შეხვდა. ინტერაქტიურ შეხვედრაზე ახალმა დეკანმა სტუდენტებს სასწავლო პროცესთან დაკავშირებული დეტალები გააცნო და მათ შეკითხვებს ამომწურავი პასუხები გასცა.
- 13/10/2023
IBSU-ს სამართლისა და სახელმწიფო მმართველობის სკოლას ახალი დეკანი ჰყავს
სალომე კუჭუხიძე IBSU-ს სამართლისა და სახელმწიფო მმართველობის სკოლის ახალი დეკანი გახდა. წლების განმავლობაში ქალბატონი სალომე მუშაობდა კავკასიის უნივერსიტეტში სხვადასხვა პოზიციებზე, მათ შორის სასწავლო პროცესის ხარისხის მონიტორინგის დეპარტამენტის დირექტორად, ომბუდსმენად, სამართლის სკოლის დოქტორანტურის კოორდინატორად, ასევე, ხარისხის უზრუნველყოფის დეპარტამენტის დირექტორის მოადგილედ და კავკასიის სამართლის სკოლის სწავლების ხარისხის განვითარების სამსახურის ხელმძღვანელად. ქალბატონი სალომე 2017 წლიდან მუშაობს განათლების ხარისხის განვითარების ცენტრში აკრედიტაციის ექსპერტის პოზიციაზე. “მიხარია, რომ მომეცა
- 27/09/2023
საორიენტაციო შეხვედრა სამართალმცოდნეობის საბაკალავრო პროგრამის პირველკურსელებთან
სამართალმცოდნეობის საბაკალავრო პროგრამის თანახელმძღვანელმა, ქეთი ქოქრაშვილმა პირველკურსელებისთვის საორიენტაციო შეხვედრა გამართა. შეხვედრაზე პროგრამის პირველი კურსის სტუდენტებმა დეტალური ინფორმაცია მიიღეს სასწავლო პროცესის ძირითადი კომპონენტებისა და რეგულაციების შესახებ.
- 29/06/2023
ლექცია საჯარო ადმინისტრირების საკითხებზე
„საჯარო ადმინისტრირებისა და სახელმწიფო მმართველობის პროგრამის სტუდენტების ორგანიზებით, IBSU-ში გაიმართა საჯარო ლექცია თემაზე “საჯარო ადმინისტრირების საკითხები.”
- 22/06/2023
საჯარო ლექცია ტრენინგების და პროექტების მოძიების შესახებ
საჯარო ადმინისტრირების და სახელმწიფო მმართველობის სტუდენტების ინიციატივით , IBSU-ს მესამე კურსის სტუდენტმა, BDC აკადემიის ლექტორმა, ვაკო ყორღანაშვილმა IBSU-ს სტუდენტებისთვის ჩაატარა ლექცია ეფექტური ხერხებით სასურველი ტრენინგების და პროექტების მოძიების შესახებ.
- 20/06/2023
დისკუსია სემესტრულ გაცვლით პროგრამებზე
საჯარო ადმინისტრირების და სახელმწიფო მმართველობის სტუდენტების ინიციატივით, IBSU-ში გაიმართა შეხვედრა გაცვლითი პროგრამების ორგზის მონაწილე IBSU-ს სტუდენტ მარიამ ბანეტიშვილთან, რომელიც სემესტრული გაცვლითი პროგრამით საფრანგეთისა და ესპანეთის უნივერსიტეტებში სწავლობდა. მარიამმა სტუდენტებს საკუთარი გამოცდილება გაუზიარა და გაცვლით პროგრამებში მონაწილეობისთვის საჭირო ეტაპები გააცნო.
- 13/06/2023
IBSU-ს სამართლის სტუდენტების მორიგი წარმატება
IBSU-ს სამართლის სტუდენტები, მანჩო გაჩეჩილაძე და ბაჩო დეკანოია “ჭავჭავაძის ადვოკატირებისა და პროფესიული ეთიკის შეჯიბრი სტუდენტებისთვის 2023-ის” გამარჯვებულები არიან! იმიტირებულ პროცესში 12 გუნდი მონაწილეობდა საქართველოს სხვადასხვა უნივერსიტეტიდან. წერილობით ეტაპი 8 გუნდმა გადალახა, ხოლო ფინალში 3 გადავიდა. ფინალში მსაჯები იყვნენ იურისტები: თამარ ხუბულური, ანა ხურციძე და ირაკლი კორძაია. გამარჯვებულ გუნდს გადაეცათ თასი, ფულადი და სიმბოლური საჩუქრები.
- 12/06/2023
საჯარო ლექცია – კორუფციასთან დაკავშირებული გამოწვევები საჯარო სექტორში
საჯარო ადმინისტრირებისა და სახელმწიფო მმართველობის სკოლის მესამე კურსის სტუდენტების, ნონა ქიმერიძისა და ელენე მაისურაძის ორგანიზებით, IBSU-ში გაიმართა საჯარო ლექცია თემაზე “კორუფციასთან დაკავშირებული გამოწვევები საჯარო სექტორში,” რომელსაც უძღვებოდა არასამთავრობო ორგანიზაცია TI-ის წარმომადგენელი სანდრო ქევხიშვილი.
საკონტაქტო ინფორმაცია
მისამართი:
თბილისი, დ.აღმაშენებლის ხეივანი, მე-13 კმ. #2
ტელეფონი:
+995 322 800 064
ელ-ფოსტა:
info@ibsu.edu.ge
სწრაფი ლინკები
გამოგვყევი:
