- 08/06/2023
სიახლეები
IBSU-ს პირველკურსელთა ნაწილი საქართველოს პარლამენტს ეწვია
IBSU-ს პირველკურსელთა ნაწილი საქართველოს პარლამენტს ეწვია. სტუდენტებმა მოინახულეს პარლამენტის სასახლე, პარლამენტის სხდომათა დარბაზი და ქართული პარლამენტის მუზეუმი, გაეცნენ პარლამენტის მუშაობის ფორმებსა და წესებს. ვიზიტის ორგანიზატორი იყო სამართალმცოდნეობის საბაკალავრო პროგრამის ასოცირებული პროფესორი, ბ-ნი ზურაბ ჯიბღაშვილი.
- 08/06/2023
IBSU-მ IDFI-ის წარმომადგენლებს უმასპინძლა
საჯარო ადმინისტრირებისა და სახელმწიფო მმართველობის სკოლის მესამე კურსის სტუდენტების, ნონა ქიმერიძისა და ელენე მაისურაძის ორგანიზებით, IBSU-ში გაიმართა შეხვედრა არასამთავრობო ორგანიზაცია IDFI-ის წარმომადგენლებთან. თეონა ტურაშვილმა და გოგა თუშარაშვილმა ჩაატარეს ლექცია თემაზე “საჯარო სექტორის ღიაობა და ინფორმაციის ხელმისაწვდომობა.”
- 07/06/2023
საჯარო ლექცია – “ეროვნული დაზვერვა და უსაფრთხოება”
IBSU-ს საჯარო ადმინისტრირებისა და სახელმწიფო მმართველობის პროგრამის სტუდენტთა ორგანიზებით, წმ. ანდრიას ქართული უნივერსიტეტის პროფესორმა და თომას ჯეფერსონის კვლევითი ცენტრის დამფუძნებელმა თორნიკე შურღულაიამ ჩაატარა საჯარო ლექცია თემაზე “ეროვნული დაზვერვა და უსაფრთხოება.” სპიკერმა შეხვედრაზე ისაუბრა ეროვნული დაზვერვის სპეციფიკაზე, მნიშვნელობასა და საერთაშორისო გამოცდილებაზე. განსაკუთრებული ყურადღება დაეთმო ჩვენი ქვეყნის არსებულ მდგომარეობასა და გამოწვევებს.
- 07/06/2023
საჯარო ლექცია – “ERASMUS+ შესაძლებლობები”
შავი ზღვის საერთაშორისო უნივერსიტეტში ERASMUS+ საერთაშორისო გაცვლითი პროგრამების შესახებ საჯარო ლექცია გაიმართა, რომელსაც უძღვებოდა გიორგი აგირბაია, საჯარო მმართველობის დოქტორი, ProActive Group Georgia დამფუძნებელი და Erasmus+ ახალგაზრდული პროექტების ორგანიზატორი. სპიკერმა ვრცლად ისაუბრა ევროკავშირის მიერ მხარდაჭერილ პროექტებში მონაწილეობის ეფექტურ გზებზე, რაც სტუდენტებს საერთაშორისო პროექტებზე წვდომას გაუადვილებს.
- 07/06/2023
“IBSU მაღალმთიანი რეგიონებისთვის” პროექტი წარმატებით დასრულდა
საჯარო ადმინისტრირებისა და სახელმწიფო მმართველობის მესამე კურსის სტუდენტების, მარიამ ცუხიშვილის, მარიამ გულიაშვილისა და ნინო ხუბიეროვის მიერ ორგანიზებული პროექტი – “IBSU მაღალმთიანი რეგიონებისთვის” წარმატებით დასრულდა. სტუდენტები შეხვდნენ დუშეთისა და საჩხერის რეგიონის სკოლებში 200-მდე მოსწავლეს და გააცნეს IBSU-ს საბაკალავრო პროგრამებს, დაფინანსების შესაძლებლობებსა და სტუდენტურ აქტივობებს.
- 02/06/2023
IBSU-ს სტუდენტები სააპელაციო სასამართლოს ესტუმრნენ
საჯარო ადმინისტრირებისა და სახელმწიფო მმართველობის პირველი კურსის სტუდენტები, სამართალმცოდნეობის ლექტორის, ვეფხვია გრიგალაშვილის ინიციატივით, თბილისის სააპელაციო სასამართლოს ესტუმრნენ. IBSU-ს სტუდენტები დაესწრნენ როგორც ადმინისტრაციულ, ისე სამოქალაქო და სისხლის სამართლის პროცესებს. ვიზიტი მიზნად ისახავდა სტუდენტების თეორიული ცოდნის პრაქტიკულ განმტკიცებას.
- 01/06/2023
საჯარო ლექცია – ნატოსა და ევროკავშირში ინტეგრაციის შესაძლებლობა
IBSU-მ უმასპინძლა საჯარო ლექციას თემაზე “ჩრდილო-ატლანტიკურ ორგანიზაციასა და ევროკავშირში ინტეგრაციის შესაძლებლობა, პრობლემები და გამოწვევები,” რომელსაც უძღვებოდა პაპუნა დავითაია, მესამე რანგის კაპიტანი, რომელსაც აქვს ნატოს გაერთიანებულ საზღვაო ძალების შტაბბინაში მოღვაწეობისა და ნატოს ანტიტერორისტულ და საზღვაო ოპერაციებში მონაწილეობის ხუთწლიანი გამოცდილება. შეხვედრაზე განხილულ თემებს შორის იყო ნატოს გავლენა მსოფლიო პოლიტიკური კურსზე და საქართველოსა და ალიანსის ურთიერთთანამშრომლობა. განსაკუთრებული ყურადღება დაეთმო ხელშეკრულების მეხუთე მუხლს და
- 25/05/2023
IBSU-ს სტუდენტები საქალაქო სასამართლოში სასწავლო ვიზიტით იმყოფებოდნენ
IBSU-ს სამართლის მესამე კურსის სტუდენტები, სისხლის საპროცესო სამართლის სალექციო კურსის ფარგლებში, პროფესორ ბესიკ მეურმიშვილის ხელმძღვანელობით, თბილისის საქალაქო სასამართლოში სასწავლო ვიზიტით იმყოფებოდნენ. სტუდენტებს მიეცათ შესაძლებლობა, პირადად შეხვედროდნენ თბილისის საქალაქო სასამართლოს სისხლის სამართლის საქმეთა საგამოძიებო, წინასასამართლო სხდომისა და არსებითი განხილვის კოლეგიის მოსამართლეს, რომელმაც სტუდენტების შეკითხვებს უპასუხა. სასამართლოში ვიზიტი სასწავლო კურსში პრაქტიკული ელემენტების დანერგვას ემსახურება.
- 24/05/2023
საჯარო ლექცია – Flow & Dream Job ანუ როგორ ვიპოვოთ მუღამიანი სამსახური
IBSU-ს საჯარო ადმინისტრირებისა და სახელმწიფო მმართველობის სტუდენტთა საინიციატივო ჯგუფის ორგანიზებით, პროექტის “სტაჟირების ხელშეწყობა” ფარგლებში, IBSU-ში გაიმართა საჯარო ლექცია თემაზე “Flow & Dream Job ანუ როგორ ვიპოვოთ მუღამიანი სამსახური.” საჯარო ლექციას უძღვებოდნენ ლიკა ნოზაძე, მენეჯმენტის კონსულტანტი და ფსიქოთერაპევტი, Talent Flow-ს დამფუძნებელი, და ნანა ყუფუნია, HR და ორგანიზაციული განვითარების კონსულტანტი, Mega Consulting-ის დამფუძნებელი, და IBSU-ს მოწვეული ლექტორი.
საკონტაქტო ინფორმაცია
მისამართი:
თბილისი, დ.აღმაშენებლის ხეივანი, მე-13 კმ. #2
ტელეფონი:
+995 322 800 064
ელ-ფოსტა:
info@ibsu.edu.ge
სწრაფი ლინკები
გამოგვყევი:
