პროგრამის მიზანი

ბიზნესის ადმინისტრირების სადოქტორო პროგრამის მიზანს წარმოადგენს კერძო და სახელმწიფო აკადემიური ინსტიტუტებისა და ბიზნესის სექტორისთვის მაღალკვალიფიცირებული სპეციალისტების მომზადება, რომლებიც შეძლებენ დასახული მიზნების მაქსიმალურ განხორციელებას, პრობლემური საკითხების გადაჭრას და მათი კვლევის სფეროსა და ორგანიზაციების განვითარებას. სადოქტორო დონეზე ჩატარებული კვლევა საშუალებას აძლევს სტუდენტს წვლილი შეიტანოს არსებული ცოდნის განახლებასა და გაღრმავებაში. პროგრამა საშუალებას აძლევს სტუდენტებს ჩამოყალიბდნენ როგორც წარმატებული მკვლევრები და შესაბამისი დარგის (მენეჯმენტი/მარკეტინგი/ფინანსები) ექსპერტები.

დასაქმების სფერო

IBSU-ს ბიზნეს ადმინისტრირების დოქტორს შეუძლია იმუშაოს როგორც კომერციულ ისე სამთავრობო და არასამთავრობო ორგანიზაციებში ბიზნეს ადმინისტრირების, ეკონომიკის, საჯარო მმართველობის და სხვა მსგავსი მიმართულებებით. მას შეუძლია აგრეთვე ჩაატაროს სამეცნიერო კვლევები  თავის დარგში.

IBSU-ს ბიზნესის ადმინისტრირების დოქტორი შეიძლება დასაქმდეს: უმაღლეს საგანმანათლებლო და სამეცნიერო ორგანიზაციებში; საჯარო და კერძო ბიზნეს კომპანიებში; მასმედიისა და საინფორმაციო-ანალიტიკურ ცენტრებში; როგორც დამოუკიდებელი ექსპერტი.

პროგრამაზე მიღების წინაპირობა

საქართველოს მოქალაქე  დოქტორანტობის კანდიდატს პროგრამაზე დაშვებისათვის მოეთხოვება:

• ინფორმაცია საგანმანათლებლო და პრაქტიკული გამოცდილების შესახებ (რეზიუმე)
• მაგისტრის ან მასთან გათანაბრებული ხარისხის ქონა
• საკვლევი თემის პროექტი ინგლისურ ენაზე
• უცხო ენის B2 დონეზე ფლობის დამადასტურებელი დოკუმენტი (ასეთის არარსებობის შემთხვევაში ჩაინიშნება შიდა საუნივერსიტეტო გამოცდა)
• გასაუბრება
• შესაბამის სფეროში წინარე ნაშრომი/პუბლიკაცია ან/და სამეცნიერო-კვლევით პროექტებსა და ღონისძიებებში მონაწილეობა ან/და შესაბამის სფეროში მუშაობის არანაკლებ 2 წლიანი გამოცდილება

შენიშვნა: უცხო ქვეყნის მოქალაქეების ჩარიცხვა ხორციელდება საქართველოს განათლებისა და მეცნიერების სამინისტროს მიერ დადგენილი წესით (დეტალური ინფორმაცია იხილეთ შემდეგ ბმულზე: https://ibsu.edu.ge/iro/home/

სწავლის საფასური

საქართველოს მოქალაქეებისთვის: 4500 ლარი
საერთაშორისო სტუდენტებისთვის: 4500 აშშ დოლარი

შავი ზღვის უნივერსიტეტის კურსდამთავრებულებისთვის სადოქტორო პროგრამებზე მოქმედებს 10%-იანი გრანტი.

მისანიჭებელი ხარისხი: ბიზნესის ადმინისტრირების დოქტორი
სწავლების ენა: ინგლისური
ხანგრძლივობა და კრედიტები: 3 წელი, 60 ECTS

საკონტაქტო ინფორმაცია:

პროგრამის კოორდინატორი:  მეთინ მერჯანი
ტელ:+995 32 2 800 064 (119)
ელ-ფოსტა: graduateschool@ibsu.edu.ge
ოთახი: A308

პროგრამა