შემოდგომის სეზონის პირველი ღია კარის დღე IBSU-ში
შავი ზღვის საერთაშორისო უნივერსიტეტმა აბიტურიენტებს შემოდგომის სეზონის პირველ ღია კარის დღეზე უმასპინძლა. პიარისა და მარკეტინგის დეპარტამენტის უფროსმა, თამარ შოშიაშვილმა აბიტურიენტებს უნივერსიტეტის საგანმანათლებლო პროგრამები, გრანტები, შეღავათები და შეთავაზებები გააცნო. IBSU-ს მარკეტერებმა და პოზიტიურმა მასკოტმა კი მოსწავლეებს უნივერსიტეტის კამპუსი დაათვალიერებინეს.
IBSU-ს კურსდამთავრებულების ვიზიტი
IBSU-ს კურსდამთავრებულებთან ურთიერთობის სამსახურის ხელმძღვანელმა, იაშარ აქიუზმა 2008-2009 წლის კურსდამთავრებულებს უნივერსიტეტში უმასპინძლა და IBSU-ს ბრენდირებული საჩუქრები გადასცა. ასევე, იაშარ აქიუზი ესტუმრა წარმატებით დასაქმებულ კურსდამთავრებულებს სამუშაო ადგილზე და გაეცნო მათი სამსახურის თავისებურებებს. იაშარ აქიუზი IBSU-ს კურსდამთავრებულებს წარმატებები და კარიერული წინსვლა უსურვა.
IBSU-ს კურსდამთავრებულთა შეკრება
შავი ზღვის საერთაშორისო უნივერსიტეტი სხვადასხვა წლის კურსდამთავრებულთა შეკრების ტრადიციას აგრძელებს. წლევანდელ საზეიმო შეკრებას, რომელიც გამორჩეული იყო სახალისო აქტივობებითა და მუსიკალური გაფორმებით, სასტუმრო ‘ბილტმორმა’ უმასპინძლა. ღონისძიებაზე შეკრებილებმა გაიხსენეს უნივერსიტეტში გატარებული წლები და აღნიშნეს, რომ მსგავსი შეკრება უნივერსიტეტსა და კურსდამთავრებულებს შორის ურთიერთობებს ამყარებს.
საჯარო ლექცია პროექტების მართვაზე
კომპანია ‘დევექსპერტის’ წარმომადგენელმა, ოლგა მიროშნიკოვამ IBSU-ს კომპიუტერული მეცნიერების პროგრამის სტუდენტებისთვის ლექცია ჩაატარა თემაზე ‘პროექტების მართვა’. სპიკერმა სტუდენტებს გააცნო პროექტის მართვის თანამედროვე პროცესები, პროექტის დაგეგმვის, ორგანიზებისა და კონტროლის მეთოდები. შეხვედრის დასასრულს სპიკერმა სტუდენტების შეკითხვებს ამომწურავი პასუხები გასცა.