IBSU-ს უნგრელი და პოლონელი ლექტორები ეწვივნენ
30.05.2023Erasmus + KA107 გაცვლითი პროგრამის ფარგლებში, IBSU-ს ეწვია უნგრეთის ოტვოშ ლორანდის უნივერსიტეტის დოქტორი, არვა ვალერია და კრაკოვის ეკონომიკური უნივერსიტეტის ლექტორი, რენატა ვინკლერი.
უცხოელი სტუმრები შეხვდნენ IBSU-ს რექტორს, საერთაშორისო ურთიერთობების სამსახურის, ბიზნესის სკოლისა და განათლების, ჰუმანიტარული და სოციალური მეცნიერებების სკოლის წარმომადგენლებს.
ვიზიტის ფარგლებში, არვა ვალერიამ საბაკალავრო პროგრამის სტუდენტებისთვის ჩაატარა ლექცია თემაზე „ლიტერატურის გამოყენება ინგლისური ენის სწავლების დაწყებით საფეხურზე,” ხოლო რენატა ვინკლერმა წაიკითხა ლექცია თემაზე “გუნდის კულტურული მრავალფეროვნება”.
