შავი ზღვის საერთაშორისო უნივერსიტეტი გერმანელ პროფესორებს მასპინძლობს
10.11.2021შავი ზღვის საერთაშორისო უნივერსიტეტი გერმანელ პროფესორებს მასპინძლობს. ცვიკაუს (გერმანია) გამოყენებითი მეცნიერების უნივერსიტეტის პროფესორები ქრისტიან ბრაუვეილერი და სვენ ჰელბახი იბსუ-ს რექტორს, საფფეთ ბაირაქთუთანს შეხვდნენ.
შეხვედრაზე განიხილეს ერთობრლივი პროექტები რომელიც უნივერსიტეტებს შორის უკვე განხორციელდა და მომავალშიც იგეგმება.
გერმანელი სტუმრები კომპიუტერული მეცნიერებების პროგრამის სტუდენტებისთვის ონლაინ ლექციასაც ჩაატარებენ თემებზე: რობოტიკა და ხელოვნური ინტელექტი და გამოწვევები კომუნიკაციაში.
სპიკერების შესახებ:
დოქ. კრისტიან ბრაუვეილერი არის ბიზნესის ადმინისტრირების პროფესორი, მნეჯერული ბუღალტერიის და შიდა აუდიტის მიმართულებით.
დოქ. სვენ ჰელბახი არის კომპიუტერული მეცნიერების/ინტელექტუალური სისტემების პროფესორი
შავი ზღვის საერთაშორისო უნივერსიტეტი ცვიკაუს უნივერსიტეტთან 2015 წლიდან თანამშრომლობს.