საერთაშორისო პროექტები
-
პანკისის სათემო კავშირები
იბსუმ მონაწილეობა მიიღო და მისმა აკადემიურმა პერსონალმა ჩაატარა ონლაინ ტრენინგი “ჯუნიორ ეჩივმენტი საქართველოს”(NGO) და აშშ-ს საერთაშორისო განვითარების სააგენტოს (USAID) პროექტში : “პანკისის სათემო კავშირები” ქვეპროექტს „ბიზნეს კონცეფციების სწავლება პანკისის ხეობის სკოლებში“;
პროექტის ფარგლებში, პანკისის ხეობის შვიდივე სკოლაში განხორციელდა „ჯუნიორ ეჩივმენტი“-ს პროგრამა „იყავი მეწარმე“ სკოლის მეათე, მეთერთმეტე და მეთორმეტე კლასებში;
ასევე, უნივერსიტეტი ახორციელებს პროგრამას „იყავი მეწარმე”, რომლის მიზანია ხელი შეუწყოს მოსწავლეების მიერ მაღალ კლასებში სამეწარმეო ინიციატივებს ბიზნეს გეგმის ძირითადი კომპონენტების შესწავლით.
-
გამოთვლითი სოციალური მეცნიერებები განვითარებისთვის
2023 წლის თებერვალში შავი ზღვის საერთაშორისო უნივერსიტეტმა გაიმარჯვა “კონკურენტული ინოვაციის ფონდის (CIF)” მიერ გამოცხადებულ პირველ საგრანტო კონკურსში პროექტით: “Computational Social Sciences for Development”;
პროექტში ჩართული უნივერსიტეტებია: 1. თბილისის ივანე ჯავახიშვილის სახელმწიფო უნივერსიტეტი; 2. შავი ზღვის საერთაშორისო უნივერსიტეტი და 3. აკაკი წერეთლის სახელმწიფო უნივერსიტეტი (ქუთაისი);
CIF-ის მიზანია უმაღლესი საგანმანათლებლო დაწესებულებების კონკრეტული მიმართულებების განვითარება, აკადემიური პროგრამებისა და სასწავლო გარემოს მოდერნიზება და შრომის ბაზართან კავშირების გაძლიერება; პროექტს საქართველოს განათლებისა და მეცნიერების სამინისტრო და მსოფლიო ბანკი ერთობლივად ახორციელებენ.
-
ციფრული წიგნიერება და მულტიმედია ჟურნალისტიკა
აშშ-ს საელჩოს მიერ დაფინანსებული პროექტი „ციფრული წიგნიერება და მულტიმედია ჟურნალისტიკა“ მიმდინარეობდა 2022 წლის 15 აპრილიდან 15 ნოემბრის პერიოდში.
პროექტის მთავარი მიზანი იყო სტუდენტებში ფაქტების გადამოწმებისა და მულტიმედიური ჟურნალისტური პროდუქტების შექმნის უნარების განვითარება.
2022 წლის აპრილში პროექტში ჩართული ოთხი უნივერსიტეტის (GIPA, CU, UG და IBSU) ჟურნალისტიკის სკოლების ადმინისტრაციამ შეარჩია სამ-სამი სტუდენტი, რომლებიც სტაჟირებას გაივლიდნენ მედიის განვითარების ფონდში (MDF), კერძოდ, ფონდის პროექტ „მითების ლაბორატორიაში“.სტაჟიორებთან პირველი საორიენტაციო შეხვედრა MDF-ში 2022 წლის 11 მაისს გაიმართა. ამის შემდეგ სტუდენტები დისტანციურად, სახლიდან მუშაობდნენ. მათ მუშაობის პროცესს კოორდინრიებას უწევდნენ MDF-ის ფაქტ-ჩეკერები.
საბოლოოდ, მითების ლაბორატორიის ვებ-გვერდზე გამოქვეყნდა 8 ანალიტიკური მასალა. აქედან 3 მასალაში გამოაშკარავებული იყო დეზინფორმაცია, 5 მასალაში კი – მანიპულაცია.
- პროექტის დასახელება – საქართველოს უმაღლესი სასწავლებლების კვლევითი შესაძლებლობების ამაღლების R&D ერთეულების განვითარების გზით
- დაფინანსების წყარო – EU EACEA ERASMUS + KA2 ACTION (შესაძლებლობების განვითარება უმაღლესი განათლების სფეროში)
- საკოორდინაციო დაწესებულება – ივანე ჯავახიშვილის თბილისის სახელმწიფო უნიერსიტეტი
- პროექტის კოორდინატორი – პროფ. მარინე ჩიტაშვილი
- ინსტიტუციური კოორდინატორი – ასოც. პროფ. დრ. მ. მურათ ერგუვანი, პრორექტორი მეცნიერებისა და კვლევის საკითხებში
- პროექტის ნომერი – 598207-EPP-1-2018-1- GE-EPPKA2-CBHE-SP
- ხელშეკრულების ნომერი – 2018-2578
- ვებგვერდი – herd.tsu.ge, ღირებულება – €931,648.00, დაფინანსება რომელსაც მართავს IBSU – €25,105.00
პროექტის ზოგადი მიზნები შემდეგია:
- ერთობლივი კვლევითი პლატფორმის ჩამოყალიბება, რომელიც ხელს შეუწყობს სამიზნე უნივერსიტეტებში კვლევითი საქმიანობის დაგეგმვას, განხორციელებასა და შეფასებას.
- ქართული ონლაინ კვლევითი პორტალის შექმნა, რომელიც აჩვენებს უახლეს ინფორმაციას საქართველოში აკადემიური დაწესებულებების საქმიანობის, ადამიანური რესურსების და ინფრასტრუქტურის შესახებ.
- უნივერსიტეტის ადმინისტრაციული პერსონალის კვლევის მენეჯმენტისა და მონაცემთა ანალიზის უნარ-ჩვევების გაუმჯობესება მაღალი ხარისხის კვლევის მენეჯმენტის წარმოებისთვის, ინსტიტუციური კვლევის მონაცემების გაანალიზებისთვის და შემდგომი პროგნოზირებისა და სტრატეგიული დაგეგმვისათვის.
- მიზნობრივი უნივერსიტეტების შესაძლებლობების გაძლიერება კვლევის ტრანსფერისა და უნივერსიტეტი-ინდუსტრიის თანამშრომლობის კუთხით.
პროექტის პარტნიორები “პროგრამის ქვეყნებიდან”:
- დრეზდენის ტექნოლოგიური უნივერსიტეტი (TUD) – გერმანია
- კლერმონ ოვერნის უნივერსიტეტ (UCA) – საფრანგეთი
- სოფია ანტიპოლისის უნივერსიტეტ (UNS) – საფრანგეთი
პარტნიორები საქართველოდან:
- ივანე ჯავახიშვილის სახელობის თბილისის სახელმწიფო უნივერსიტეტი (TSU) (HERD პროექტის კოორდინატორი)
- ილიას სახელმწიფო უნივერსიტეტი (ISU)
- საქართველოს ტექნიკური უნივერსიტეტი (GTU)
- თბილისის სახელმწიფო სამედიცინო უნივერსიტეტი (TSMU)
- აკაკი წერეთლის სახელმწიფო უნივერსიტეტი (ATSU)
- ბათუმის შოთა რუსთაველის სახელმწიფო უნივერსიტეტი (BSU)
- იაკობ გოგებაშვილის სახელობის თელავის სახელმწიფო უნივერსიტეტი (TESAU)
- ვ.სარაჯიშვილის სახელობის თბილისის სახელმწიფო კონსერვატორია (TSC)
- კავკასიის უნივერსიტეტი (CU)
- დავით ტვილდიანის სახელობის სამედიცინო უნივერსიტეტი (DTMU)
- შავი ზღვის საერთაშორისო უნივერსიტეტი (IBSU)
- საქართველოს საზოგადოებრივ საქმეთა ინსტიტუტი (GIPA)
- საქართველოს განათლების, მეცნიერების, კულტურისა და სპორტის სამინისტრო (MESCS)
- საქართველოს შოთა რუსთაველის ეროვნული სამეცნიერო ფონდი (SRNSFG)
- განათლების ხარისხის განვითარების ეროვნული ცენტრი (NCEQE)
- საქართველოს ინოვაციებისა და ტექნოლოგიების სააგენტო (GITA)
- საქართველოს ინტელექტუალური საკუთრების ეროვნული ცენტრი (IPCG)
HERD -ის პროექტში ჩართულ აკადემიურ პერსონალთან შემაჯამებელი შეხვედრა გაიმართა – იხილეთ ბმული
დასრულდა ევროკავშირის მიერ დაფინანსებული „Erasmus+“-ის KA2-ის პროგრამის პროექტი ,,საქართველოს უმაღლეს საგანმანათლებლო დაწესებულებებში სამეცნიერო კვლევების განვითარების ხელშეწყობა“ – იხილეთ ბმული
საკონტაქტო ინფორმაცია
მისამართი:
თბილისი, დ.აღმაშენებლის ხეივანი, მე-13 კმ. #2
ტელეფონი:
+995 322 800 064
ელ-ფოსტა:
info@ibsu.edu.ge
სწრაფი ლინკები
გამოგვყევი:
