არქიტექტურა (ქართულენოვანი)

Home
/
სკოლები
/
კომპიუტერული მეცნიერებისა და არქიტექტურის...
/
საბაკალავრო პროგრამები
/
არქიტექტურა (ქართულენოვანი)

არქიტექტურა (ქართულენოვანი)

პროგრამის მიზანი

არქიტექტურის საბაკალავრო საგანმანათლებლო პროგრამის მიზანია:

არქიტექტორის პროფესიისათვის ფართო თეორიულ-პრაქტიკული ცოდნისა და უნარ-ჩვევებით აღჭურვილი მაღალკვალიფიციური კადრების მომზადება, რისთვისაც სტუდენტი დაეუფლება საპროექტო არეალის მახასიათებლებს შესწავლის არსებულ სამშენებლო ნორმატივებს, რათა სტუდენტს ჩამოუყალიბოს პროფესიონალური არქიტექტურული პროექტის შექმნის უნარი.
სტუდენტს მისცეს ცოდნა არქიტექტურის ისტორიის თეორიულ ასპექტებზე; პროექტირების/კონცეფციების ხორცშესხმისთვის აუცილებელ პროცედურებზე, ქალაქმშენებლობის პროცესებში თანამედროვე ტექნოლოგიების და საინჟინრო საკითხების შესახებ.
მოამზადოს დარგის სპეციალისტი, როგორც ადგილობრივი, ასევე საერთაშორისო მოთხოვნების შესაბამისად და შემდეგ საფეხურზე სწავლის გასაგრძელებლად.
სტუდენტებმა შეძლონ არქიტექტურის სფეროში მიმდინარე პროცესების შესახებ კვლევითი ან პრაქტიკული ხასიათის ნაშრომის მომზადება წინასწარ განსაზღვრული მითითებების შესაბამისად და მოახდინონ მისი ეფექტური წარდგენა დაინტერესებული აუდიტორიისათვის.

სწავლის შედეგები

არქიტექტურის საგანმანათლებლო პროგრამის წარმატებით დასრულების შემთხვევაში კურსდამთავრებულებს ჩამოუყალიბდებათ სპეციალობისთვის აუცილებელი შემდეგი ზოგადი და დარგობრივი კომპეტენციები.

პროგრამაზე ჩარიცხვისთვის საჭიროა შემოქმედებითი ტურის გავლა.

შემოქმედებითი ტური იქნება 2 ეტაპიანი: პორტფოლიოს წარდგენა (გადმოგზავნა/ატვირთვა) და შემოქმედებითი ინტერვიუ (გასაუბრება).

ეტაპი 1: პორტფოლიოს წარდგენა კანდიდატმა უნდა წარმოადგინოს შემოქმედებითი პორტფოლიო, რომელიც შეიძლება მოიცავდეს:

ნახაზებს, ნახატებსა და ჩანახატებს;
მაკეტების ან ხელნაკეთი ნამუშევრების ფოტოებს;
ფოტო ან ვიდეო ნამუშევრებს;
ნებისმიერ ნამუშევარს, რომელიც წარმოაჩენს მის კრეატიულობას, სივრცით აღქმასა და ხელით მუშაობის უნარებს.

ეტაპი 2: შემოქმედებითი ინტერვიუ. პორტფოლიოს საფუძველზე შერჩეული კანდიდატები გაივლიან 15-20 წუთიან გასაუბრებას ჟიურისთან, რომელიც მოიცავს:

წარმოდგენილი პორტფოლიოს განხილვას
მცირე გრაფიკულ დავალებას: კანდიდატი 10 წუთის განმავლობაში, ადგილზე ასრულებს წინასწარ უცნობ ვიზუალურ ამოცანას, სადაც ფასდება მისი სივრცითი აღქმა, გრაფიკული გადმოცემის უნარი და პრობლემის გადაჭრის შემოქმედებითი გზა.

შეფასების სისტემა:

მაქსიმალური შეფასება: 100 ქულა.
ქულების გადანაწილება: პორტფოლიო – 30 ქულა; გასაუბრება და გრაფიკული დავალება – 70 ქულა.
ბარიერი: დადებითი შეფასებისთვის კანდიდატმა უნდა დააგროვოს ჯამური ქულის მინიმუმ 41%.

ჩატარების თარიღები:

შემოქმედებითი ინტერვიუები ჩატარდება 24, 25 და 26 ივნისს.

პორტფოლიოების მიღების ბოლო ვადა არის 21 ივნისი.

შემოქმედებით ტურზე აუცილებელია რეგისტრაცია მითითებულ ბმულზე: https://forms.gle/5WzLXinAmxegjAbU6

პროგრამაზე დაშვების წინაპირობა

საქართველოს კანონმდებობის თანახმად, საგანმანათლებლო პროგრამაზე მოსახვედრად აუცილებელია ერთიანი ეროვნული გამოცდების ჩაბარება. საბაკალავრო პროგრამის სტუდენტი შეუძლია გახდეს ნებისმიერს, ვისაც აქვს საშუალო განათლება. ერთიანი ეროვნული გამოცდების ჩაბარების გარეშე საგანმანათლებლო პროგრამაზე მიღება შესაძლებელია მხოლოდ საქართველოს კანონმდებლობით გათვალისწინებულ შემთხვევებში. ჩასაბარებელი ძირითადი საგნები: ქართული ენა, უცხო ენა (გერმანული, ინგლისური, რუსული ან ფრანგული). არქიტექტურის საბაკალავრო პროგრამაზე მისაღებად მესამე არჩევითი საგანი შეიძლება იყოს მათემატიკა ან ფიზიკა. ერთიანი ეროვნული გამოცდების ჩაბარებამდე არქიტექტურის პროგრამაზე მოსახვედრად აბიტურიენტი გადის შემოქმედებით ტურს. შემოქმედებითი ტური გულისხმობს გასაუბრებას ხატვაში. აბიტურიენტი (მათ შორის, ერთიანი ეროვნული გამოცდების ჩაბარების გარეშე ჩარიცხვის უფლების მქონე პირი), რომელიც გამოხატავს სურვილს ჩაირიცხოს IBSU-ში, ასევე სხვა უმაღლესი საგანმანათლებლო დაწესებულების სტუდენტი, რომელიც გამოხატავს სურვილს IBSU-ში გადმოვიდეს მობილობის წესით არქიტექტურის პროგრამაზე ვალდებულია გაიაროს შემოქმედებითი ტური.

მობილობის წესით ჩარიცხვა ხორციელდება წელიწადში ორჯერ. შიდა მობილობა ხორციელდება უნივერსიტეტის რექტორის ბრძანებით განსაზღვრულ ვადებში (დეტალური ინფორმაცია იხილეთ შემდეგ ბმულზე www.ibsu.edu.ge). გარე მობილობა ხორციელდება სსიპ – განათლების ხარისხის განვითარების ეროვნული ცენტრის მიერ (დეტალური ინფორმაცია იხილეთ შემდეგ ბმულზე: www.eqe.ge).

საერთაშორისო აპლიკანტების ჩარიცხვა ხორციელდება საქართველოს განათლების, მეცნიერების, კულტურისა და სპორტის სამინისტროს მიერ დადგენილი წესით (დეტალური ინფორმაცია იხილეთ შემდეგ ბმულზე https://ibsu.edu.ge/iro/admission/).

სწავლის საფასური

ეროვნული გამოცდებით ჩარიცხულებისთვის: 5990 ლარი
ეროვნული გამოცდების გარეშე ჩარიცხულებისთვის: 4900 აშშ დოლარი, გრანტი 1000 დოლარამდე

მისანიჭებელი კვალიფიკაცია: არქიტექტურის ბაკალავრი
სწავლების ენა: ქართული
პროგრამის მოცულობა კრედიტებით: 240 ECTS

კონტაქტი

პროგრამის ხელმძღვანელი: გიორგი ცუცქირიძე
ელ-ფოსტა: giorgi.tsutskiridze@ibsu.edu.ge
ტელ: + 995 322 800 064
ოთახი: A310

შავი ზღვის საერთაშორისო უნივერსიტეტი

არქიტექტურა (ქართულენოვანი)