სადოქტორო პროგრამაზე მიღება

შავი ზღვის საერთაშორისო უნივერსიტეტში სწავლის უფლების მოპოვების მიზნით სადოქტორო კანდიდატებისთვის საბუთების მიღება იწყება 20 აგვისტოდან 18 სექტემბრამდე.

IBSU-ს სადოქტორო პროგრამაზე ირიცხება პირი, რომელმაც მოიპოვა მაგისტრის ან მასთან გათანაბრებული აკადემიური ხარისხი საქართველოს კანონმდებლობით დადგენილი წესით ან მის მიერ უცხო ქვეყანაში მიღებული უმაღლესი განათლება აღიარებულია საქართველოს კანონმდებლობით დადგენილი წესით და უთანაბრდება მაგისტრის აკადემიურ ხარისხს და რომელიც აკმაყოფილებს სადოქტორო პროგრამით დადგენილ წინაპირობებს (უცხო ენის ცოდნა / გასაუბრების წარმატებით გავლა / საკვლევის თემის პროექტის დადებითად შეფასება და ა.შ.).

განმცხადებელთან, რომელიც აკმაყოფილებს სადოქტორო პროგრამაზე მიღებისათვის დადგენილ წინაპირობებს, ფორმდება ხელშეკრულება და გამოიცემა ჩარიცხვის თაობაზე რექტორის აქტი.

განმცხადებელმა უნდა წარმოადგინოს საკვლევი თემის პროექტი (არანაკლებ ხუთი გვერდი) მისი სამომავლო კვლევის სფეროში, რომელსაც აფასებს შესაბამისი დარგობრივი სადისერტაციო საბჭოს მიერ შექმნილი მიმღები კომისია. მიმღები კომისია შედგება დარგობრივი სადისერტაციო საბჭოს არანაკლებ 3 (სამი) წევრისა (პროგრამის ხელმძღვანელის ჩათვლით) და შესაბამისი დარგის არანაკლებ 2 (ორი) წარმომადგენლისაგან.

საკვლევი თემის პროექტის შეფასება ხორციელდება ორ ეტაპად. პირველ ეტაპზე მიმღები კომისია აფასებს საკვლევი თემის პროექტს, ხოლო მეორე ეტაპზე იმართება ინტერვიუ, რომლის შედეგები ფორმდება ოქმის სახით და ხელს აწერს მიმღები კომისიის ყველა დამსწრე წევრი.

საკვლევი თემის პროექტი და ინტერვიუ ფასდება რუბრიკის მიხედვით, რომელიც განსაზღვრულია შესაბამისი სადოქტორო პროგრამით. ამავე ეტაპზე, პროგრამის ხელმძღვანელის წარდგინებითა და სტუდენტთან შეთანხმებით ინიშნება თემის სავარაუდო ხელმძღვანელი სასწავლო კომპონენტის შემდგომ განსახორციელებელი კვლევითი კომპონენტის მიზნებისათვის. ამასთან, თემის სავარაუდო ხელმძღვანელი ვალდებულია, სასწავლო კომპონენტის ათვისებისათვის, კვლევითი კომპონენტის მიზნებიდან გამომდინარე, სტუდენტს მისცეს შესაბამისი რეკომენდაციები.

უცხო ენის გამოცდისგან თავისუფლდება

• განმცხადებელი, რომელიც ფლობს საგანმანათლებლო პროგრამაზე დაშვების წინაპირობად განსაზღვრულ შესაბამისი უცხო ენის დონის საერთაშორისო სერთიფიკატს.
• განმცხადებელი, რომელსაც სადოქტორო პროგრამის სწავლების ენაზე დასრულებული აქვს საგანმანათლებლო პროგრამა ბოლო სამი წლის განმავლობაში და მისი ნიშნების საშუალო (GPA) შეადგენს არანაკლებ 75 (სამოცდათხუთმეტი) ქულას 100 (ასი) ქულიდან, ან 3 (სამი) ქულას 4 (ოთხი) ქულიდან.

ელექტრონული რეგისტრაცია / საბუთების მიღება

კანდიდატმა აუცილებელია რეგისტრაცია გაიაროს სასურველ პროგრამაზე და საჭირო დოკუმენტაცია გადმოგზავნოს სამაგისტრო და სადოქტორო სკოლის ელ. ფოსტაზე:  tamarmshvidobadze@ibsu.edu.ge

სადოქტორო პროგრამები:
1 – განათლების მეცნიერებები – რეგისტრაცია
2 – ამერიკისმცოდნეობა – რეგისტრაცია
3 – ბიზნესის ადმინისტრირება – რეგისტრაცია
4 – კომპიუტერული მეცნიერება – რეგისტრაცია

საბუთების ჩამონათვალი:

1. აპლიკაციის ფორმა – (მითითებული ფაილი ჩამოტვირთეთ და შეავსეთ);
2. ორი ფოტოსურათი, 3X4-ზე (ბეჭდური და ელექტრონული ფორმით;
   პასპორტის ასლი, ასეთის არ არსებობის შემთხვევაში პირადობის მოწმობის ასლი;
3. უმაღლესი განათლების დამადასტურებელი დოკუმენტის (დიპლომის) და დანართის სანოტარო წესით დამოწმებული ასლები, ან შესაბამისი უმაღლესი საგანმანათლებლო დაწესებულების მიერ გაცემული ცნობა შესამაბისი ხარისხის მინიჭების შესახებ და ნიშნების ფურცელი; (შავი ზღვის საერთაშორისო უნივერსიტეტის მიერ გაცემული დიპლომის შემთხვევაში ასლების სანოტარო წესით დამოწმება არ არის სავალდებულო);
4. უმაღლესი განათლების უცხო ქვეყანაში მიღების შემთხვევაში, დიპლომისა და დანართის სანოტარო წესით დამოწმებული თარგმანები და უცხოეთში მიღებული განათლების აღიარების დოკუმენტი;
5. საიდენტიფიკაციო ბარათის/პასპორტის ასლი (უცხო ქვეყნის მოქალაქეებისთვის – სანოტარო წესით დამოწმებული თარგმანი);
6. უცხო ენის ცოდნის დამადასტურებელი საერთაშორისო სერთიფიკატი/უცხოენოვანი პროგრამის დასრულების შედეგად მინიჭებული აკადემიური ხარისხის დამადასტურებელი დოკუმენტი – დიპლომი და დანართი(არსებობის შემთხვევაში);
7. კანონმდებლობით დადგენილი წესით სამხედრო აღრიცხვას დაქვემდებარებული პირის მიერ სამხედრო აღრიცხვაზე ყოფნის დამადასტურებელი დოკუმენტი;
8. საკვლევი თემის გეგმა (Research Proposal)

იმისათვის, რომ მოხდეს, დარეგისტრირებულ აპლიკანტთა შიდა საუნივერსიტეტო გამოცდაზე დაშვება, მოთხოვნილი დოკუმენტები უნდა გადმოგზავნონ მითითებულ ელ. ფოსტაზე 17 სექტემბრის ჩათვლით: tamarmshvidobadze@ibsu.edu.ge

Subject-ში მიუთითეთ პროგრამა, რომელ პროგრამაზეც აპირებთ სწავლის გაგრძელებას. არასრულად გადმოგზავნილი დოკუმენტები არ განიხილება!

საბოლოო შედეგების გამოქვეყნების შემდეგ კი ხელშეკრულების გაფორმების დროს, მოთხოვნილი დოკუმენტაცია უნდა წარმოადგინოთ უნივერსიტეტში ამობეჭდილი სახით.

სადოქტორო პროგრამებზე მისაღები შიდასაუნივერსიტეტო გამოცდისა და გასაუბრების განრიგი

1. წერითი გამოცდა: ინგლისური ენა: 18 სექტემბერი – 18:00 (სასწავლო B კორპუსი, მე-3 სართული)
2. გასაუბრება 19-20 სექტემბერი – 10:00- 17:00 (სასწავლო B კორპუსი, პირველი სართული)

გისურვებთ წარმატებებს!

დამატებითი კითხვების შემთხვევაში, გთხოვთ დაგვიკავშირდეთ!
E-mail: tamarmshvidobadze@ibsu.edu.ge