[edgt_separator type='full-width' position='center' border_style='solid' color='#ebebeb' width='' thickness='1' top_margin='10' bottom_margin='21' ]
Top
Image Alt

სამართლის ფაკულტეტის გუნდი საერთაშორისო იმიტირებულ პროცესზე დანიაში

Law and State Governance School

დანიაში, ქალაქ ორჰუსში ჩატარდა იმიტირებული სასამართლო პროცესი საერთაშორისო შრომის სამართალში. ჰუგო სინზეიმერის იმიტირებული სასამრთლო პროცესი უკვე მეორე წელია იმართება და 2017 წლის 14-18 ივნისს შავი ზღვის საერთაშორისო უნივერსიტეტის გუნდი, რომელიც ერთადერთი გუნდია საქართველოდან, მეორედ იღებდა კონკურსში მონაწილეობას. პროექტში მონაწილეობდნენ გუნდები ევროკავშირის წევრი ქვეყნებიდან და საქართველო ამ შემთხვევაში ერთადერთი არაწევრი მონაწილე ქვეყანა იყო, რაც თავის მხრივ, კიდევ უფრო დიდი გამოწვევა იყო გუნდისთვის.

გუნდის წევრები იყვნენ სამართლის საბაკალვრო პროგრამის მესამე და მეოთხე კურსის სტუდენტები – თამარ ტყეშელაშვილი, ნუკრი ჯინჭარაძე, ნინო ტაგანაშვილი და ანა მიხელიძე. გუნდს ხელმძღვანელობდა შრომის სამართლის ექსპერტი – ზაქარია შველიძე, რომელიც ამავე დროს პროექტის ერთ-ერთი ორგანიზატორიცაა და შავი ზღვის საერთაშორისო უნივერსიტეტის სამართლის ფაკულტეტის დეკანი – ეკატერინე ბაკარაძე.

პროექტის საორგანიზაციო და მრჩეველთა კომიტეტი შედგებოდა ევროპის სხვადასხვა უნივერსიტეტების პროფესორების, პრაქტიკოსი იურისტებისა და მოსამართლეებისაგან, მათ შორის არიან: პროქტის საორგანიზაციო კომიტეტის თავმჯდომარე – ამსტერდამის უნივერსიტეტის პროფესორი, ჰუგო სინზეიმერის ინსტიტუტის დირექტორი, დოქტორი რონალდ ბელცერი; მრჩეველთა კომიტეტის თავმჯდომარე, დოქტორი მანფრედ ვეისი – პროფესორ ემერიტუსი, ფრანკფურტის გოეთეს უნივერსიტეტი; და სხვ.

მოსამართლეთა კოლეგიები, რომლებიც პროცესებს განიხილავდნენ შედგებოდა, სწორედ ორგანიზატორებისგან, სტუდენტი მოსამართლეებისგან („მასპინძელი სამართლის“ ქვეყნის სტუდენტები – უნგრეთი) და სხვა მოწვეული მოსამართლეებისაგან ქალაქ ორჰუსიდან.

ქართულ გუნდს ფინანსური მხარდაჭერა გაუწია შავი ზღვის საერთაშორისო უნივერსიტეტმა და კანონის უზენაესობის მხარდაჭერის პროგრამამ საქართველოში.