გაითვალისწინეთ! ეკონომიკის პროგრამის საფასურზე არ ვრცელდება უნივერსიტეტში მოქმედი შიდა გრანტების და შეღავათების სისტემა.

გრანტები 

თუ ხარ 100%-იანი სახელმწიფო გრანტის მფლობელი, მიიღებ IBSU-ს 50%-იან გრანტს დარჩენილი თანხის დასაფარად. ამ გრანტზე ვრცელდება გრანტის შეარჩუნების პირობა.

თუ ხარ 70%-იანი სახელმწიფო გრანტის მფლობელი, მიიღებ IBSU-ს 40%-იან გრანტს დარჩენილი თანხის დასაფარად. ამ გრანტზე ვრცელდება გრანტის შეარჩუნების პირობა.

თუ ხარ 50%-იანი სახელმწიფო გრანტის მფლობელი, მიიღებ IBSU-ს 30%-იან გრანტს დარჩენილი თანხის დასაფარად. ამ გრანტზე ვრცელდება გრანტის შეარჩუნების პირობა.

თუ ხარ საჯარო ან კერძო სკოლის ოქროს მედალოსანი, მიიღებ IBSU-ს 40%-იან გრანტს. ამ გრანტზე ვრცელდება გრანტის შეარჩუნების პირობა.

თუ ხარ საჯარო ან კერძო სკოლის ვერცხლის მედალოსანი, მიიღებ IBSU-ს 30%-იან გრანტს. ამ გრანტზე ვრცელდება გრანტის შეარჩუნების პირობა.

ერთიანი ეროვნული გამოცდების შედეგები

თუ ხარ ერთიანი ეროვნული გამოცდების რეიტინგში, ქვეყნის მასშტაბით, პირველ 500 აბიტურიენტს შორის, შავი ზღვის საერთაშორისო უნივერსიტეტისგან მიიღებ 100%-იან სასწავლო გრანტს და 4 წლის განმავლობაში, 8 თვის მომცველი პერიოდით ყოველთვიურ სტიპენდიას 200 ლარის ოდენობით. ამ გრანტზე ვრცელდება გრანტის შეარჩუნების პირობა.

თუ ხარ ერთიანი ეროვნული გამოცდების რეიტინგში, ქვეყნის მასშტაბით, პირველი 500-დან 1000 აბიტურიენტს შორის, შავი ზღვის საერთაშორისო უნივერსიტეტისგან მიიღებ 100%-იან სასწავლო გრანტს და 4 წლის განმავლობაში, 8 თვის მომცველი პერიოდით  ყოველთვიურ სტიპენდიას 100 ლარის ოდენობით. ამ გრანტზე ვრცელდება გრანტის შენარჩუნების პირობა.

თუ ხარ IBSU-ს სასკოლო ოლიმპიადის I ადგილის მფლობელი, მიიღებ შავი ზღვის საერთაშორისო უნივერსიტეტის 40%-იან გრანტს დარჩენილი თანხის დასაფარად.

თუ ხარ IBSU-ს სასკოლო ოლიმპიადის II ადგილის მფლობელი, მიიღებ შავი ზღვის საერთაშორისო უნივერსიტეტის 30%-იან გრანტს დარჩენილი თანხის დასაფარად.

თუ ხარ IBSU-ს სასკოლო ოლიმპიადის III ადგილის მფლობელი, მიიღებ შავი ზღვის საერთაშორისო უნივერსიტეტის 20%-იან გრანტს დარჩენილი თანხის დასაფარად.

გაითვალისწინე!!  თუ ჩამონათვალი გრანტებიდან გაქვს რამდენიმე ერთროულად, პრიორიტეტი ენიჭება და სარგებლობ გრანტით, რომელიც ყველაზე მაღალია. შიდა გრანტები არ იკრიბება.

IBSU -ს გრანტის შენარჩუნების პირობები

შავი ზღვის საერთაშორისო უნივერსიტეტში მოპოვებული გრანტით ან დაფინანსებით 4 აკადემიური წლის განმავლობაში ისარგებლებ იმ შემთხვევაში, თუ შენი საშუალო აკადემიური მაჩვენებელი ყოველი წლის ბოლოს არ იქნება 71 (GPA) ქულაზე ნაკლები.

თუ შენ ხარ ერთიანი ეროვნული გამოცდების რეიტინგით პირველ 500-ეულში და 1000-ეულში მოხვედრილ სტუდენტებს შორის და იღებ IBSU-ს ყოველთვიურ სტიპენდიას, მის შესანარჩუნებლად შენი საშუალო აკადემიური მაჩვენებელი (GPA) ყოველი წლის ბოლოს არ უნდა იყოს 91 ქულაზე ნაკლები.

სხვა შეღავათები

თუ შავი ზღვის საერთაშორისო უნივერსიტეტის პროგრამებს (კოდი 064) უპირატესობას მიანიჭებ და უნივერსიტეტების ჩამონათვალში პირველს ჩაწერ, 4 წლის განმავლობაში, მიიღებ IBSU –ს 20%-იან დაფინანსებას. ამ  გრანტზე არ ვრცელდება გრანტის შენარჩუნების პირობა.

თუ ხარ საქართველოს ეროვნული ნაკრების სპორტსმენი, შავი ზღვის საერთაშორისო უნივერსიტეტი, 4 წლის განმავლობაში, სწავლის საფასურის 50%-ს დაგიფინანსებს; აღნიშნული შეღავათი იმოქმედებს ეროვნულ ნაკრებში ყოფნის მანძილზე.

თუ ხარ საქართველოს თავდაცვის სამინისტროს სისტემის თანამშრომელი, თანამშრომლის მეუღლე ან შვილი, შავი ზღვის საერთაშორისო უნივერსიტეტში, 4 წლის განმავლობაში, 50 %-იანი ფასდაკლებით ისარგებლებ; ამ  გრანტზე არ ვრცელდება გრანტის შენარჩუნების პირობა.

თუ შენს და–ძმასთან ან ოჯახის სხვა წევრთან ერთდროულად ირიცხები შავი ზღვის საერთაშორისო უნივერსიტეტში, ერთად სწავლის პერიოდში, 15%-იანი ფასდაკლებით ისარგებლებ. ამ  გრანტზე არ ვრცელდება გრანტის შენარჩუნების პირობა.

პარტნიორი სკოლები

თუ ხარ ქუთაისის შპს „ნიკო ნიკოლაძის სახელობის სკოლა–ლიცეუმის“ ან შპს „ქართულ–გერმანულ სკოლა–ლიცეუმი სხივის“ კურსდამთავრებული, შავი ზღვის საერთაშორისო უნივერსიტეტისგან, 4 წლის განმავლობაში, 50%-იან დაფინანსებას მიიღებ. ამ  გრანტზე არ ვრცელდება გრანტის შენარჩუნების პირობა. ხოლო თუ ხარ ამავე საგანმანათლებლო დაწესებულებების თანამშრომელი, თანამშრომლის შვილი ან მეუღლე, შავი ზღვის საერთაშორისო უნივერსიტეტისგან, 4 წლის განმავლობაში, 25%-იან დაფინანსებას მიიღებ. ამ  გრანტზე არ ვრცელდება გრანტის შენარჩუნების პირობა.

თუ ხარ იმ სკოლის კურსდამთავრებული, რომელთანაც IBSU-ს მემორანდუმი აქვს გაფორმებული, შავი ზღვის საერთაშორისო უნივერსიტეტისგან, 4 წლის განმავლობაში, 35%-იან დაფინანსებას მიიღებ. ამ  გრანტზე არ ვრცელდება გრანტის შენარჩუნების პირობა.

თუ ხარ IBSU-ს თანამშრომელი, (მათ შორის მოწვეული ლექტორი), თანამშრომლის მეუღლე, შვილი ან ოჯახის სხვა წევრი, შავი ზღვის საერთაშორისო უნივერსიტეტისგან, 4 წლის განმავლობაში, 25%-იან დაფინანსებას მიიღებ. ამ  გრანტზე არ ვრცელდება გრანტის შენარჩუნების პირობა.

თუ ხარ IBSU-ს კურსდამთავრებული, შავი ზღვის საერთაშორისო უნივერსიტეტისგან, 4 წლის განმავლობაში, 25%-იან დაფინანსებას მიიღებ. ამ  გრანტზე არ ვრცელდება გრანტის შენარჩუნების პირობა.

საერთაშორისო პროექტი

თუ ხარ FLEX პროგრამის მონაწილე, შავი ზღვის საერთაშორისო უნივერსიტეტისგან, 4 წლის განმავლობაში, 20%-იან დაფინანსებას მიიღებ. ამ  გრანტზე არ ვრცელდება გრანტის შენარჩუნების პირობა.

თუ ხარ აბიტურიენტი და გაიარე IBSU-ს რომელიმე სახის კურსი (ბიზნეს ანბანი, სოციალური მეცნიერებები დამწყებთათვის, ჟურნალისტიკა მოსწავლეებისთვის, პირველი ნაბიჯი არქიტექტურაში, ციფრული სკოლა) 4 წლის განმავლობაში მიიღებ IBSU -ს 10%-იან დაფინანსებას. ამ  გრანტზე არ ვრცელდება გრანტის შენარჩუნების პირობა.

უკრაინის მოქალაქეებისთვის:

უკრაინის მოქალაქე, რომელიც ჩაირიცხება უნივერსიტეტის ნებისმიერ საგანმანათლებლო პროგრამაზე (სამივე საფეხურზე), სწავლის საფასურის შეღავათის სახით მიიღებს 50%-იან შეღავათს,  პროგრამით განსაზღვრული სწავლის პერიოდში. (ბაკალავრიატზე  – 4 წელი, მაგისტრატურაზე – 2 წელი, დოქტორანტურაზე – 3 წელი).

შეღავათი შეეხება:

ა) სტუდენტებს, ვინც 2022 – 2023 წლიდან ჩაირიცხება;

ბ) სტატუს აღიდგენილებს:

გ) მობილობით გადმოსულს.

სტატუსის აღდგენისა და მობილობის წესით გადმოსვლის შემთხვევაში, შეღავათს გამოიყენებს უნივერსიტეტის შიდა გრანტის გამოყენების წესის მიხედვით (სემესტრში 30 კრედიტი, პროგრამით განსაზღვრული დარჩენილი პერიოდი).

შეგიძლია სწავლის საფასური 8 თვეზე გადაანაწილო

თუ ხარ საქართველოსა ან თურქეთის მოქალაქე და გსურს სწავლის გადასახადის ნაწილ-ნაწილ გადახდა, შეგიძლია გადახდის მოქნილი გრაფიკით ისარგებლო და შენი სწავლის საფასური 8 თვეზე გადაანაწილო.