პროფესორ ირმა მესირიძის ვორქშოპი თემაზე “ეფექტური პრეზენტაციის შემუშავება და წარდგენა”
26.11.2024შავი ზღვის საერთაშორისო უნივერსიტეტის განათლების, ჰუმანიტარული და სოციალური მეცნიერებების სკოლის ორგანიზებით, ინგლისური ფილოლოგიის საბაკალავრო პროგრამის ფარგლებში სტუდენტებისთვის ვორქშოპების ციკლი დაიწყო.
პირველი ვორქშოპი ჩაატარა IBSU-ს აფილირებულმა ასოცირებულმა პროფესორმა, დოქტორმა ირმა მესირიძემ თემაზე “ეფექტური პრეზენტაციის შემუშავება და წარდგენა.”
სტუდენტები გაეცნენ ეფექტური პრეზენტაციის შემუშავებისა და წარდგენისთვის მნიშვნელოვან უნარ-ჩვევებს, რაც მათ დაეხმარებათ შექმნან კარგად სტრუქტურირებული, თვალსაჩინო და შთამბეჭდავი პრეზენტაციები მესიჯის ეფექტური კომუნიკაციისთვის, აუდიტორიის ყურადღების მისაპყრობად და მიზნების მისაღწევად.
