IBSU-ში სტუდენტურ სამეცნიერო კონფერენცია ჩატარდა
20.12.2021შავი ზღვის საერთაშორისო უნივერსიტეტმა უმასპინძლა საერთაშორისო ურთიერთობების პროგრამისა და თავისუფალი უნივერსიტეტის საერთაშორისო ურთიერთობების სკოლის თანამშრომლობით ორგანიზებულ ერთობლივ სტუდენტურ სამეცნიერო კონფერენციას – „თანამედროვე საერთაშორისო ურთიერთობები: რეგიონები, აქტორები, გამოწვევები.”
კონფერენციაში შავი ზღვის საერთაშორისო უნივერსიტეტისა და თავისუფალი უნივერსიტეტის 26 სტუდენტი მონაწილეობდა. მოხსენებები ორ სესიაში გადანაწილდა, გამომსვლელებს აფასებდნენ პროფესორები და დარგის ექსპერტები ორივე უნივერსიტეტიდან, ნაშრომების განხილვა წარიმართა დისკუსიის რეჟიმშიც.
მონაწილეებს გადაეცათ სერტიფიკატები, სესიის გამარჯვებულები კი დაჯილდოვდნენ სასაჩუქრე პაკეტითა და ფულადი პრიზით. კონფერენცია მიზნად ისახავდა უმაღლესი სასწავლებლების სტუდენტებს შორის ცოდნისა და გამოცდილების გაზიარებას, თანამედროვე საერთაშორისო ურთიერთობების საკითხების კვლევის წახალისებასა და კვლევითი უნარების განვითარების ხელშეწყობას.
