IBSU-ში მოსწავლეებისთვის საჯარო გამოსვლების ჩემპიონატი გაიმართა
12.11.2024შავი ზღვის საერთაშორისო უნივერსიტეტმა სკოლის მოსწავლეებისთვის საჯარო გამოსვლების ჩემპიონატი გამართა.
IBSU-ს უფასო პროექტის ფარგლებში, მე-10, მე-11 და მე-12 კლასის მოსწავლეებმა შეისწავლეს საჯარო გამოსვლებისა და პრეზენტაციების მომზადების ეფექტური ტექნიკები და სხეულის ენის სწორად გამოყენება.
საჯარო გამოსვლების ჩემპიონატს უძღვებოდა შავი ზღვის საერთაშორისო უნივერსიტეტის სამართლისა და სახელმწიფო მმართველობის სკოლის დეკანი, სამართლის დოქტორი, პროფესორი ირაკლი შამათავა, რომელმაც ისაუბრა რიტორიკისა და ორატორული ხელოვნების თვალსაჩინო წარმომადგენლებზე, ეფექტური საჯარო გამოსვლის დაგეგმვაზე, ამბის თხრობის ხელოვნებაზე, ასევე შიშების დაძლევის გზებზე, საპრეზენტაციო უნარ-ჩვევებზე, სხელის ენასა და ჩაცმის ეტიკეტებზე.
ასევე, უნივერსიტეტის წარმატებულმა სტუდენტებმა მოსწავლეებს გაუზიარეს რჩევები თავდაჯერებულობის ამაღლების, თხრობის უნარების განვითარებისა და საჯარო გამოსვლების შიშის დაძლევის შესახებ.
პროექტის დასასრულს, მონაწილეებს გადაეცათ სერტიფიკატები, ხოლო ფინალურ რაუნდში გამარჯვებული IBSU-ს ვაუჩერით დაჯილდოვდა.
