15 დეკემბერს, 15:00 საათზე, კორეული ენისა და კულტურის კლუბის ორგანიზებით გაიმართება ღონისძიება – K-Game Quest: IBSU Edition, რომელიც იქნება ცნობილი კორეული ტელე-გადაცემების ანალოგი, სადაც მონაწილეებს შეეძლებათ ითამაშონ და საკუთარ თავზე გამოსცადონ ის თამაშები, რომლებსაც მათი საყვარელი გმირები თამაშობენ.

ღონისძიებაზე გაიმართება ჯგუფური შეჯიბრი, სადაც მოთამაშეები რამდენიმე ტურად წარმოდგენილ თამაშებს ითამაშებენ.

თამაშები მოიცავს ფიზიკურ, ჯგუფურ აქტივობებს, რაც ღონისძიებას უფრო სახალისოს და დასამახსოვრებელს გახდის. გამარჯვებულ გუნდებს კი გადაეცემათ სპონსორების მიერ მოწოდებული საჩუქრები.

ღონისძიება დაახლოებით 2 საათი გაგრძელდება (5 თამაში, 8 გუნდი), შესაბამისად, სტუმრებისათვის გვექნება წარმოდგენილი კორეული კერძების კუთხე და ფოტოების გადასაღები კუთხე, სადაც შეეძლებათ თამაშებს შორის შესვენების დროს გაერთონ.

📍 A408