მოწვეული ტრენერი დიდი ბრიტანეთიდან
შავი ზღვის საერთაშორისო უნივერსიტეტში, ენათა სკოლის ორგანიზებით, ინგლისური ენის სწავლების პრობლემებთან დაკავშირებით ორდღიანი სემინარი ჩატარდა, რომელსაც დიდ ბრიტანეთიდან მოწვეული ტრენერი ქრისტინა სმიტი უძღვებოდა.
სემინარის დროს განხილული იქნა ისეთი საკითხები, როგორიცაა: საკლასო ოთახში სტუდენტების დასწრებისა და აქტიურობის გაუმჯობესების გზები, სტუდენტების სასწავლო ჩვევები, ასევე, სილაბუსის მომზადების წესები სუსტი სტუდენტებისათვის და სხვ. სემინარის დასრულების შემდეგ, 60-მდე მონაწილეს სერთიფიკატი გადაეცა.