[edgt_separator type='full-width' position='center' border_style='solid' color='#ebebeb' width='' thickness='1' top_margin='10' bottom_margin='21' ]
Top
Image Alt

სიახლეები

2022-2023 წლის შემოდგომის სემესტრის მობილობა IBSU-ში

23.08.2022

შპს-შავი ზღვის საერთაშორისო უნივერსიტეტში მობილობის წესით ჩასარიცხ პირთა საყურადღებოდ!

იწყება 2022-2023 წლის შემოდგომის სემესტრის მობილობა. შავი ზღვის საერთაშორისო უნივერსიტეტმა უკვე დაარეგისტრირა ვაკანტური ადგილები განათლების მართვის საინფორმაციო სისტემის ელექტრონულ პორტალზე.

მობილობის ეტაპები შემდეგია:

  1. 2022 წლის 22 აგვისტოდან – 2022 წლის 7 სექტემბრის00 საათამდე.- მობილობის წესით ჩასარიცხ პირთა განათლების მართვის საინფორმაციო სისტემის ელექტრონულ პორტალზე https://students.emis.ge/ რეგისტრაციის და მობილობის საფასურის გადახდის ვადა;
  2. 2022 წლის 8 სექტემბრიდან 2022 წლის 15 სექტემბრის ჩათვლით – პორტალზე მობილობით გადმოსვლის პროცესის დადასტურების შემდეგ მობილობის მსურველი სტუდენტის მიერ მობილობისთვის განსაზღვრული დოკუმენტაციის შპს – შავი ზღვის საერთაშორისო უნივერსიტეტისთვის წარმოდგენა;
  3. 2022 წლის 8 სექტემბრიდან 2022 წლის 20 სექტემბრის ჩათვლით – კრედიტების აღიარება და ჩასარიცხ პირთა შესახებ შპს – შავი ზღვის საერთაშორისო უნივერსიტეტის ფაკულტეტების გადაწყვეტილებებისა და დასკვნების მომზადება;
  4. 2022 წლის 10-21 სექტემბერი – მობილობის წესით ჩასარიცხი პირების მიერ შეთავაზებული პირობების თაობაზე განცხადებით დადასტურების (თანხმობა/უარი) გაფორმება.
  5. 2022 წლის 21-22 სექტემბერი – სამართლებრივი აქტების პროექტების საგანმანათლებლო დაწესებულებების რეესტრში ელექტრონულად ასახვა

 

პორტალზე მობილობით გადმოსვლის პროცესის დადასტურების შემდეგ 2022 წლის 8 სექტემბრიდან 2022 წლის 15 სექტემბრის ჩათვლით  მობილობის მსურველმა სტუდენტმა შპს – შავი ზღვის საერთაშორისო უნივერსიტეტს უნდა წარმოუდგინოს შემდეგი დოკუმენტაცია:

  • განცხადება (იხ. თანდართული ფაილი);
  • დოკუმენტ(ებ)ის ორიგინალი ან დამოწმებული ასლი/ასლები რომელიც არეგულირებს სტუდენტურ სტატუსს (მაგ. ჩარიცხვის/აღდგენის/სტასტუსის შეჩერების/სტატუსის შეწყვეტის აქტი);
  • უნივერსიტეტის უფლებამოსილი პირის ხელმოწერითა და ბეჭდით დამოწმებული ნიშნების ფურცელი (სასწავლო კომპონენტების კრედიტების რაოდენობისა და შეფასების მითითებით);
  • პირის საიდენტიფიკაციო ბარათის (ID) ასლი;
  • სრული ზოგადი განათლების დამადასტურებელი დოკუმენტი და/ან უმაღლესი განათლების წინა საფეხურის დასრულების დამადასტურებელი დოკუმენტის დამოწმებული ასლი;
  • ორი ფოტოსურათი (3X4), (ნაბეჭდი და ელექტრონულ მატარებელზე);
  • მამრობითი სქესის სტუდენტებისათვის: სამხედრო აღრიცხვაზე ყოფნის დამადასტურებელი დოკუმენტი;
  • მობილობის წესით სამაგისტრო და სადოქტორო საფეხურზე ჩარიცხვის შემთხვევაში, კანდიდატის მიერ ,,უმაღლესი განათლების შესახებ“ საქართველოს კანონით განსაზღვრულ პერიოდში არანაკლებ ხუთწლიანი პროგრამის დასრულების შედეგად მიღებული დიპლომის წარმოდგენის შემთხვევაში, კანდიდატმა ასევე უნდა წარმოადგინოს კანონმდებლობით დადგენილი წესით გაცემული აღიარების დოკუმენტი, რომლითაც დასტურდება დიპლომის შესაბამის საფეხურთან გათანაბრება.

შენიშვნა: უცხო ქვეყნის მიერ გაცემული დიპლომის შემთხვევაში აუცილებელია წარმოადგინოთ სსიპ – განათლების ხარისხის განვითარების ეროვნული ცენტრის მიერ აღიარებული და სანოტარო წესით დამოწმებული თარგმანი.                                              გაითვალისწინეთ! მობილობის უფლება სამაგისტრო/საბაკალავრო პროგრამის სტუდენტს წარმოეშობა მხოლოდ იმ საგანმანათლებლო-პროგრამულ მიმართულებაზე, რომელსაც შეესაბამება მის მიერ ჩაბარებული საერთო სამაგისტრო გამოცდის ტესტის ტიპი/ ერთიან ეროვნულ გამოცდებზე ჩაბარებული მესამე შესაბამისი არჩევით – სავალდებულო საგანი (იმ სტუდენტებისთვის, ვინც ერთიანი ეროვნული გამოცდები ჩააბარა 2020 წელს და შემდგომ).

შესაბამისი დოკუმენტების წარმოდგენა და განცხადების მიღება/რეგისტრაცია ხორციელდება ელექტრონული ფორმით ან უნივერსიტეტის კანცელარიაში წარდგენით. განცხადება და მოთხოვნილი დოკუმენტაცია გამოგზავნილი უნდა იყოს შემდეგ ელექტრონულ ფოსტაზე  contact@ibsu.edu.ge ე.წ. subject-ის ველში მიუთითეთ „მობილობა“ ან Mobility. წარმოდგენილი დოკუმენტაციის სისწორეზე პასუხისმგებელია მობილობაში მონაწილე პირი.

ქართულენოვანი საგანმანათლებლო პროგრამიდან ინგლისურენოვან საგანმანათლებლო პროგრამაზე მობილობის უფლებით სარგებლობისას, სტუდენტი ვალდებულია დაადასტუროს ინგლისური ენის ცოდნის შესაბამისი დონე.

ამ მიზნით შესაბამისი დონეებია:

ა) ბაკალავრიატის პირველ სემესტრში ჩარიცხვის მიზნით, სტუდენტს ერთიან ეროვნულ გამოცდებზე ინგლისური ენის გამოცდაში მიღებული უნდა ჰქონდეს სულ მცირე ქულათა ის რაოდენობა, რაც განსაზღვრულია მიმღები საგანმანათლებლო პროგრამისათვის შესაბამის სასწავლო წელს. (50%+1) ან (60%+1)

ბ) ბაკალავრიატის მეორე სემესტრში ჩარიცხულმა სტუდენტმა უნდა დაადასტუროს ინგლისური ენის ცოდნის B1 დონე;

გ) ბაკალავრიატის მე-3-მე-5 სემესტრებში ჩარიცხულმა სტუდენტმა უნდა დაადასტუროს ინგლისური ენის ცოდნის B2 დონე;

გ) სამაგისტრო პროგრამაზე ჩარიცხული სტუდენტმა უნდა დაადასტუროს  ინგლისური ენის ცოდნის B2 დონე;

დ) სადოქტორო პროგრამაზე ჩარიცხულმა სტუდენტმა პროგრამაზე დაშვების წინაპირობიდან გამომდინარე უნდა დაადასტუროს ინგლისური ენის ცოდნის B2/C1 დონე.

მოთხოვნილი დონის დადასტურების მიზნით, სტუდენტმა შესაძლებელია: ა) წარმოადგინოს ინგლისური ენის საერთაშორისო სერტიფიკატი; ბ) ჩააბაროს IBSU-ს მიერ დანიშნული ინგლისური ენის გამოცდა; გ) წარმოადგინოს დოკუმენტი, რომლითაც დასტურდება, რომ მან ამავე დონეზე გაიარა სასწავლო კომპონენტი ინგლისურ ენაზე, რომლის სწავლის შედეგები გადის B2/C1 დონეზე: დ) წარმოადგინოს დოკუმენტი, რომლითაც დასტურდება, რომ მას ბოლო სამი წლის განმავლობაში აქვს დამთავრებული წინა საფეხურის ინგლისურენოვანი საგანმანათლებლო პროგრამა და ამ პროგრამის ფარგლებში მისი ნიშნების საშუალო (GPA) არის სულ მცირე 75 (100-დან) ან 3 (4-დან).

უცხო ქვეყნის მოქალაქეებზე ვრცელდება სწავლის განსხვავებული საფასური. დეტალური ინფორმაცია განთავსებულია შზსუ-ს ვებ-გვერდზე www.iro.ibsu.edu.ge ან დაუკავშირდით iro@ibsu.edu.ge       nmaghalashvili@ibsu.edu.ge

მობილობის წესით ჩასარიცხი პირებმა შეთავაზებული პირობების თაობაზე განცხადებით დადასტურების (თანხმობა/უარი) უნდა გააფორმონ (1021 სექტემბერი). თანხმობის შემთხვევაში მობილობის წესით ჩასარიცხი პირი ხელს აწერს შზსუ-ში მობილობის წესით ჩარიცხვისა და კრედიტების აღიარების თანხმობის ფორმას, რითაც ადასტურებს რომ ეთანხმება შედარების აქტში მოცემულ ინფორმაციას კრედიტების აღიარების შესახებ და მის სურვილს რომ სწავლა გააგრძელოს შზსუ-ში.

აღნიშნული მიზნისთვის თანხმობის განცხადება გამოგზავნილი უნდა იყოს ელექტრონულ ფოსტაზე  contact@ibsu.edu.ge

დამატებითი ინფორმაციისათვის მიმართეთ

  • საბუთებთან დაკავშირებით – ადამიანური რესურსებისა და კანცელარიის სამსახურს;
  • მობილობის პროცესთან დაკავშირებით – ხარისხის უზრუნველყოფის სამსახურს
  • პროგრამასთან და კრედიტების აღიარებასან დაკავშირებით – შესაბამისი პროგრამის ხელმძღვანელს.

ტელეფონი: 032 2595005/06 ;  +995  597 215 131  ; ელ. ფოსტა contact@ibsu.edu.ge

თანდართული დოკუმენტაცია:

 

მობილობასთან დაკავშირებით სხვა ინფორმაცია შეგიძლიათ იხილოთ აქ: https://ibsu.edu.ge/ge/mobility/