შავი ზღვის საერთაშორისო უნივერსიტეტის სოციალურ, ჰუმანიტარულ და განათლების მეცნიერებათა ფაკულტეტი აცხადებს ვაკანსიას მოწვეული ლექტორის პოზიციაზე შემდეგ სასწავლო კურსებში:
- სოციოლოგია (სწავლების ენა ქართული) – 1 ვაკანსია;
საკვალიფიკაციო მოთხოვნები:
ა) შესაბამისი მიმართულების სულ მცირე მაგისტრის ან მასთან გათანაბრებული აკადემიური ხარისხის მქონე პირი, რომელსაც აქვს გამოცხადებული ვაკანსიის მიმართულების შესაბამისი, დოკუმენტურად დადასტურებული მნიშვნელოვანი პროფესიული გამოცდილება დარგში ან დარგის შესაბამისი სპეციალური მომზადება ან არანაკლებ 1 წელი სამეცნიერო და/ან პედაგოგიური გამოცდილება უმაღლეს საგანმანათლებლო დაწესებულებაში და პროგრამის/სასწავლო კურსის შესატყვისი ენის ცოდნის შესაბამისი დონე;
ბ) შესაბამისი მიმართულების სულ მცირე მაგისტრის ან მასთან გათანაბრებული აკადემიური ხარისხის მქონე პირი, რომელმაც მაგისტრის აკადემიური ხარისხი მოიპოვა არაუმეტეს ბოლო სამი წლის განმავლობაში საზღვარგარეთის წამყვან უნივერსიტეტში. წამყვანი უნივერსიტეტების ნუსხა განისაზღვრება QS World University Ranking-ის შესაბამისად. აღნიშნულ შემთხვევაში კანდიდატი შესაძლოა მოწვეული ლექტორის სტატუსით დასაქმეული იყოს მხოლოდ საბაკალავრო საფეხურზე;
პიროვნული თვისებები:
- გამართული ვერბალური და წერითი კომუნიკაციის უნარი;
- პრეზენტაციისა და სწავლების უნარი;
- ძლიერი ანალიტიკური, ლოგიკური და კრეატიული აზროვნების უნარი;
- მაღალი პასუხისმგებლობა და ორგანიზებულობა;
დაინტერესებულმა აპლიკანტებმა უნდა გამოაგზავნონ პირადი საქმე აღნიშნულ ელ. ფოსტაზე hr@ibsu.edu.ge არაუგვიანეს 2021 წლის 19 სექტემბერი. გთხოვთ, მიუთითოთ ვაკანსიის დასახელება სათაურის ველში.
გთხოვთ, იხილოთ და შეავსოთ საინფორმაციო ფორმა და განაცხადის ფორმა და გამოაგზავნოთ მითითებულ ელ. ფოსტაზე.
დაკავშირება მოხდება მხოლოდ შერჩეულ კანდიდატებთან.