შეხვედრა ’’IBSU-ს სტარტაპელები“
19.11.2015ბიზნესის მართვის ფაკულტეტმა საინტერესო შეხვედრას ”IBSU-ს სტარტაპელებს“ (Start-up Stories) უმასპინძლა.
ღონისძიება ამ კვირაში მიმდინარე გლობალური მეწარმეობის კვირეულის ფარგლებში ჩატარდა. ფაკულტეტს ესტუმრნენ ის წარმატებული კურსდამთავრებულები, რომლებიც ფლობენ საკუთარ კომპანიებს, კერძოდ:
ზურაბ ლეჟავა – სამშენებლო მასალების მწარმოებელი კომპანია ’’ბიმსი“-ს დირექტორი
ალისია პარშინა – საკონსულტაციო კომპანია ’’ავანთიდა“-ს გენერალური დირექტორი
იოსებ ფიფია – საკონსულტაციო კომპანია ’’ვაბაკო“-ს გენერალური დირექტორი
ვახტანგ ნასარიძე – ტურისტული კომპანია ”თრაველო“-ს თანადამფუძნებელი, დირექტორი
თემო ბარათაშვილი – ონლაინ პლატფორმის ideapo.st დამფუძნებელი
შეხვედრა წარიმართა პანელ-დისკუსიის ფორმატში, რომლის მოდერატორი გახლდათ ახალგაზრდა მეწარმეთა ასოციაციის დამფუძნებელი თინათინ ღოლაძე. შეხვედრაზე მოწვეულმა სტუმრებმა საკუთარი ცოდნა და გამოცდილება გაუზიარეს სტუდენტებს და მისცეს ბიზნესის დასაწყებად საჭირო პრაქტიკული რჩევები.