შზსუ აცხადებს ღია კონკურსს აკადემიური თანამდებობის დასაკავებლად

შავი ზღვის საერთაშორისო უნივერსიტეტი აცხადებს ღია კონკურსს აკადემიური თანამდებობის დასაკავებლად (5 წლის ვადით) შემდეგ დარგში/ქვედარგში: 

1.  ფინანსები: ასოცირებული პროფესორი (1 ვაკანსია)

2.  კავკასიოლოგია: ასოცირებული პროფესორი (1 ვაკანსია)

საკვალიფიკაციო მოთხოვნები:

ასოცირებული პროფესორის თანამდებობაზე

• დოქტორის ან მასთან გათანაბრებული აკადემიური ხარისხი (შესაბამის მიმართულებაში);
• სამეცნიერო-პედაგოგიური მუშაობის არანაკლებ 3 წლის გამოცდილება;
• ინგლისური ენის ცოდნა B2 დონეზე;
• უნივერსიტეტის დებულებით დადგენილ ქულათა სისტემაში ასოცირებული პროფესორის აკადემიური თანამდებობის დასაკავებლად საჭირო ქულათა რაოდენობის დაგროვება (დამატებითი კრიტერიუმები).

პიროვნული თვისებები:

• პასუხისმგებლობის გრძნობის მაღალი დონე;
• ადამიანებთან ურთიერთობის უნარი;
• პრეზენტაციის უნარი; 
• პედაგოგიური უნარ-ჩვევები; 
• ანალიტიკური, ლოგიკური აზროვნების უნარი. 

დაინტერესებულმა პირებმა უნდა წარმოადგინონ (ბეჭდური და ელექტრონული ფორმით):

• განცხადება კონკურსში მონაწილეობის შესახებ შესაბამისი აკადემიური თანამდებობის მითითებით;
• ავტობიოგრაფია (CV); 
• საკვალიფიკაციო დიპლომების ნოტარიულად დამოწმებული ასლები (უცხო ქვეყნის მიერ გაცემული დიპლომის შემთხვევაში სსიპ – განათლების ხარისხის განვითარების ეროვნული ცენტრის მიერ აღიარებული და სანოტარო წესით დამოწმებული თარგმანი);
• სამეცნიერო-პედაგოგიური მოღვაწეობის დამადასტურებელი ცნობა; 
• სერთიფიკატების ასლები (არსებობის შემთხვევაში);
• დარგის შესაბამისი სამეცნიერო შრომებისა და პუბლიკაციების სია და მათი დამადასტურებელი დოკუმენტაცია (ბოლო 5 წლის განმავლობაში); 
• 2 ფერადი ფოტოსურათი (3×4);
• პირადობის მოწმობის/ID ბარათის ასლი; 
• დახასიათება (აკადემიური მიმართულებით) წინა სამუშაო ადგილიდან; 
• არსებობის შემთხვევაში დარგის შესაბამის სამეცნიერო კონფერენციებში მონაწილეობის დამადასტურებელი დოკუმენტაცია (ბოლო 5 წლის განმავლობაში);
• ინგლისური ენის ცოდნის დონის დამადასტურებელი საერთაშორისო სერთიფიკატის ასლი/უცხო ქვეყანაში მიღებული უმაღლესი განათლების დამადასტურებელი დოკუმენტის (დიპლომის) ასლი – სსიპ – განათლების ხარისხის განვითარების ეროვნული ცენტრის მიერ აღიარებული და სანოტარო წესით დამოწმებული თარგმანით (არსებობის შემთხვევაში);
• საკონკურსო ვაკანსიისთვის დადგენილი კრიტერიუმების შესაბამისი სხვა დოკუმენტაცია – პროფესიული გამოცდილების დამადასტურებელი დოკუმენტაცია, დამატებით კრიტერიუმებთან კონკურსანტის შესაბამისობის დამადასტურებელი დოკუმენტაცია.

დაინტერესებულმა პირებმა მითითებული დოკუმენტები უნდა წარმოადგინონ 2015 წლის 9 ნოემბრიდან 2015 წლის 24 ნოემბრის ჩათვლით (10:00 სთ-დან 15:00 სთ-მდე) შავი ზღვის საერთაშორისო უნივერსიტეტის კანცელარიისა და ადამიანური რესურსების მართვის სამსახურში.

დაწვრილებითი ინფორმაციისათვის მოგვმართეთ: ტელ: 2595005, ელ. ფოსტა: hr@ibsu.edu.ge

მისამართი: ქ. თბილისი, დ. აღმაშენებლის ხეივანი მე-13 კმ, #2.