Image Alt

საბაკალავრო პროგრამები

სამართლის ფაკულტეტი

სამართალმცოდნეობა

პროგრამის აღწერა

სამართალმცოდნეობის საბაკალავრო პროგრამის მიზანია შეასწავლოს სტუდენტებს თანამედროვე სამართალი, როგორც დამოუკიდებელი მეცნიერება;  კონსტუტიციური, სისხლის, საერთაშორისო, კერძო და სამართლის სხვა მნიშვნელოვანი მიმართულებების თეორიისა და პრაქტიკის საკითხები. პროგრამა მიზნად ისახავს მოამზადოს თავისუფლად მოაზროვნე, კვალიფიციური, მაღალი ეთიკური ღირებულებების მქონე სამართალმცოდნე, რომელიც მზად იქნება პროფესიაში შესასვლელად სამართლის თეორიული და პრაქტიკული საკითხების შესწავლის, საქართველოში მიმდინარე კანონშემოქმედებითი, სამართალგამოყენებითი პრაქტიკისა და სოციალ-ეკონომიკური პროცესების, ისტორიული, ეთიკური და სხვა ასპექტების დეტალური ანალიზის გაკეთების გზით.

პროგრამაში არსებული ძირითადი და არჩევითი კომპონენტები უპირატესად ორიენტირებულია შემთხვევაზე დაფუძნებული სწავლების მეთოდოლოგიაზე, რაც უზრუნველყოფს სტუდენტის მიერ სასწავლო პროცესის მსვლელობისას პროფესიული საბაზისო უნარ-ჩვევების გამომუშავებას.

გარდა ამისა, ფაკულტეტზე მოქმედებს სამართლის კლინიკა, სადაც სტუდენტებს აქვთ საშუალება გაიმყარონ პრაქტიკული უნარ-ჩვევები იმიტირებულ სასამართლო პროცესებში მონაწილეობის, რეალურ ან რეალურთან მიახლოებულ გარემოში საქმიანობის საშუალებით. შიდა კლინიკის გარდა, ფაკულტეტს გაფორმებული აქვს ურთიერთთანამშრომლობის მემორანდუმები ყველა სახის პროფესიულ ორგანიზაციასთან, რომლებიც საუნივერსიტეტო გარემოს მიღმა უზრუნველყოფენ სტუდენტებისთვის სტაჟირების ან პრაქტიკის გავლის შესაძლებლობას.

სასწავლო პროცესი ძირითადად წარიმართება ქართულ ენაზე, თუმცა არჩევითი სასწავლო კურსების უმეტესობა შეთავაზებულია ინგლისურ ენაზე, რომლებსაც უძღვებიან უცხოელი პროფესორები ან დარგის პრაქტიკოსები.

პროგრამაზე ჩარიცხვის წესი

– საქართველოს მოქალაქეები ჩაირიცხებიან შზსუ-ს საბაკალავრო პროგრამაზე, თუ მათ წარმატებით აქვთ ჩაბარებული ერთიანი ეროვნული გამოცდები (დეტალური ინფორმაცია იხილეთ შემდეგ ბმულებზე abiturienti.ibsu.edu.ge და www.naec.ge).

– საერთაშორისო აპლიკანტების ჩარიცხვა ხორციელდება საქართველოს განათლების, მეცნიერების, კულტურისა და სპორტის სამინისტროს მიერ დადგენილი წესით (დეტალური ინფორმაცია იხილეთ შემდეგ ბმულზე https://iro.ibsu.edu.ge/en/page/admissions).

– მობილობის წესით ჩარიცხვა ხორციელდება წელიწადში ორჯერ. შიდა მობილობა ხორციელდება უნივერსიტეტის რექტორის ბრძანებით განსაზღვრულ ვადებში (დეტალური ინფორმაცია იხილეთ შემდეგ ბმულზე ibsu.edu.ge). გარე მობილობა ხორციელდება სსიპ – განათლების ხარისხის განვითარების ეროვნული ცენტრის მიერ (დეტალური ინფორმაცია იხილეთ შემდეგ ბმულზე: www.eqe.ge).

დასაქმების სფერო

სამართალმცოდნეობის საბაკალავრო პროგრამის კურსდამთავრებულის პროფესიული საქმიანობის სფეროებია ისეთი პროფესიები, როგორებიცაა პროკურორი, ადვოკატი, ნოტარიუსი, მოსამართლე (სათანადო სასერტიფიკატო გამოცდების ჩაბარების საფუძველზე), საჯარო სამსახურის შესაბამისი სტრუქტურული ერთეულები, კერძო სექტორის სუბიექტთა სამართლებრივი მომსახურება, კანონშემოქმედებითი საქმიანობა. კურსდამთავრებულს ასევე შეუძლია გააგრძელოს სწავლა მაგისტრატურასა და დოქტორანტურაში სამართლის მიმართულებით.


მისანიჭებელი კვალიფიკაცია: სამართლის ბაკალავრი
სწავლების ენა: ქართული
სწავლის საფასური: 5100 ლარი
ინფორმაცია სწავლის დაფინანსებაზე, სტიპენდიებზე და შეღავათებზე ხელმისწვდომია: www.ibsu.edu.ge/ge/internal-grants/

საკონტაქტო ინფორმაცია

ელ-ფოსტა: lawfaculty@ibsu.edu.ge
ტელ: +995 32 2595006 (203)
ოთახი:  # 504
მისამართი: დავით აღმაშენებლის ხეივანი, მე-13კმ, #2, 0130 თბილისი, საქართველო